Pars Today

Në një bisedë me Presidentin e Turqisë, Presidenti i Iranit, ndërsa uroi Kurban Bajramin për qeverinë dhe popullin turk, shtoi: Irani dhe Turqia, si dy fuqitë e mëdha të rajonit dhe botës islamike, kanë një rol të rëndësishëm në zgjidhjen e çështjeve dhe problemeve rajonale.

Sipas agjencisë IRNA; Në një bisedë telefonike me Rexhep Tajip Erdogan të Mërkurën, Hassan Ruhani përgëzoi qeverinë dhe popullin turk për festën e Kurban Bajramit dhe tha: Për fat të mirë, sot, në të gjitha fushat e bashkëpunimeve dypalëshe, përfshirë ato ekonomike, politike, kulturore dhe ndërkombëtare, midis dy vendeve fqinje ekziston një marrëdhënie e vazhdueshme dhe e mirë. Duke theksuar nevojën për të vazhduar këtë bashkëpunim në të ardhmen, si dhe për të zhvilluar dhe thelluar marrëdhëniet dypalëshe, presidenti Ruhani tha: Irani dhe Turqia kanë një qasje të përgjegjshme dhe bashkëpunuese në çështje të ndryshme globale dhe rajonale dhe çështje që prekin botën Islame, e cila ka ndihmuar në zgjidhjen e problemeve të rajonit përmes dialogut dhe negociatave. Në këtë bisedë, Presidenti turk përgëzoi qeverinë dhe popullin e Iranit për Kurban Bajramin. Ai i përshkroi marrëdhëniet midis dy vendeve si të sinqerta dhe në zhvillim dhe theksoi nevojën për bashkëpunim të vazhdueshëm midis dy vendeve në të ardhmen. Turqia dhe Irani kanë pozicione dhe bashkëpunim të përbashkët për çështje të rëndësishme rajonale dhe ndërkombëtare. "Rexhep Tajip Erdogan" vlerësoi veprimet dhe përpjekjet e presidentit iranian për të zhvilluar dhe thelluar marrëdhëniet strategjike dhe bashkëpunimin midis dy vendeve në 8 vitet e fundit dhe theksoi vazhdimin e këtij bashkëpunimi dhe trendin në rritje të marrëdhënieve në të ardhmen. Duke iu referuar situatës së veçantë në rajon dhe pozitës dhe rolit të rëndësishëm të Iranit në ndihmën për të zgjidhur çështje të rëndësishme rajonale, Presidenti turk theksoi nevojën për bashkëpunim midis vendeve të rajonit për të zgjidhur krizat, përfshirë Sirinë, Irakun dhe Afganistanin.