Iranianët kremtojnë ditën e Tasuas për nder të Imam Huseinit
Zëra pikëllimi dhe zie për Imam Huseinin, Imamin e tretë të muslimanëve shitë, një njeri që jetoi 14 shekuj më parë, por që vazhdon të frymëzojë muslimanët.
Çdo vit, gjatë 10 ditëve të para të muajit të Muharremit, iranianët mblidhen së bashku në procesione të mëdha zie për të shënuar përvjetorin e martirizimit të Imam Huseinit. Ai dhe shokët e tij u vranë nga forcat e sundimtarit tiranik të asaj kohe, Jezid ibn Muavije, në fushën e qytetit irakian të Qerbelasë. Dita e nëntë e Muharremit quhet Tasua dhe lidhet me martirizimin e vëllait të Imam Huseinit, Abolfazl al-Abbas, i njohur ndryshe si Abas Ali, i cili luftoi përkrah Imamit kundër ushtrisë së Jezidit. Abulfazli është shumë i nderuar në mesin e muslimanëve si një simbol i besnikërisë. Tragjedia e Qerbelasë u ndez pasi Imam Husseini refuzoi të betohej për besnikëri ndaj kalifit të korruptuar Jezid. Thuhet se pa sakrificat e Imam Huseinit, Islami siç e njohim ne mund të ishte shtrembëruar nga Jezidi. Kulmi i ritualeve të Muharremit është dita e Ashures, e cila bie në ditën e dhjetë të muajit Muharrem. Në këtë ditë, grupe të mëdha myslimanësh shiitë mblidhen në faltoren e Imam Huseinit në qytetin e shenjtë të Qerbelasë në Irak për t'i bërë homazhe atij. Ngjarja e Qerbelasë është një histori tragjike që prek zemrën e çdo dëgjuesi. Megjithatë, përveç anës tragjike të tij, martirizimi i Imam Huseinit është një burim i pafund mësimi për lirinë dhe rezistencën për të gjithë brezat.
