Lideri Suprem: Ngjarja e mrekullueshme e marshimit vjetor të miliona njerëzve në Arbain tregon vullnetin e Zotit
Lideri Suprem i Revolucionit Islamik Ajetollah Khamenei ka vlerësuar ceremonitë e mbajtura si pjesë e përkujtimit vjetor të Arbainit, duke përfshirë marshimin vjetor të miliona njerëzve drejt qytetit të shenjtë irakian të Qerbelasë.
Ajetollah Khamenei i bëri komentet të shtunën teksa iu drejtua një ceremonie përkujtimore ku morën pjesë studentët me rastin e Arbainit, i cili shënon ditën e 40-të pas martirizimit të Imam Huseinit (a.s), në Qerbela. "Marshimi i Arbainit është një ngjarje e mrekullueshme që nënkupton vullnetin e Zotit të Plotfuqishëm për të mbajtur lartë flamurin e Islamit", tha Lideri Suprem duke shtuar se kjo lëvizje nuk nxitet nga ndonjë politikë apo strategji e krijuar nga njeriu. Ajetollah Khamenei deklaroi se është fuqia hyjnore ajo që, përmes këtij manifestimi në shkallë të gjerë, hap një rrugë të ndritshme përpara të gjithë myslimanëve në mbarë botën. Lideri Suprem i Revolucionit Islamik tha se keqdashësit dhe ata që shtrembërojnë realitetet po bëjnë përpjekje të pamëshirshme për të nisur fushata kundër ngjarjeve kyçe islame siç është marshimi i Arbainit, dhe u bëri thirrje të gjithë myslimanëve që të përmbushin përgjegjësitë e tyre në këtë drejtim. Ajetollah Khamenei rekomandoi që të gjithë myslimanët të jenë të durueshëm dhe të qëndrojnë të palëkundur në ecjen në rrugën e drejtësisë, sipas udhëzimeve themelore të dhëna nga Kurani i Shenjtë.
