Forcat ajrore të do të zbulojnë një gjeneratë të re të sistemit të dronëve dhe raketave
Komandanti i Forcave të Mbrojtjes Ajrore të Ushtrisë iraniane njoftoi zbulimin e një gjenerate të re të sistemit të mbrojtjes ajrore dhe të dronëve.
Gjatë një vizite në një njësi të mbrojtjes ajrore në ishullin Jask në Iranin jugor, komandanti i Forcave të Mbrojtjes Ajrore të Republikës Islamike të Iranit tha se Irani do të prezantojë gjeneratën e re të sistemeve të raketave dhe dronëve gjatë vitit të ri sipas kalendarit iranian që filloi më 20 mars.
Sipas gjeneral brigade Ali-Reza Sabahifard, komandant i Forcave të Mbrojtjes Ajrore të Republikës Islamike të Iranit, pajisja ushtarake e gjeneratës së re gëzon "aftësi të përditësuara dhe të avancuara".
Ai konsideroi se prioriteti kryesor i forcave të mbrojtjes ajrore të ushtrisë iraniane është siguria e qëndrueshme.
“Mbrojtja ajrore është linja e parë e mbrojtjes së vendit dhe garanton sigurinë e qëndrueshme të atdheut dhe të sistemit islamik”, tha ai.
Ekspertët dhe inxhinierët ushtarakë iranianë kanë bërë përparime të jashtëzakonshme në prodhimin e një game të gjerë pajisjesh ushtarake në vitet e fundit, duke i bërë forcat e armatosura të vetë-mjaftueshme.
Autoritetet iraniane kanë deklaruar vazhdimisht se Irani nuk do të hezitojë të forcojë aftësitë e tij ushtarake, të destinuara tërësisht për mbrojtje, të cilat nuk do të negociohen kurrë.
