Pezeshkian në takimin me Erdogan: E ardhmja më e mirë e vendeve islame varet nga përpjekjet e suksesshme për të krijuar unitet
Presidenti i Iranit Masoud Pezeshkian gjatë takimit me homologun e tij turk, Recep Tayyip Erdogan, në margjinat e Asamblesë së Përgjithshme të Kombeve të Bashkuara në Nju Jork tha: Një e ardhme më e mirë për vendet islame varet nga përpjekjet e suksesshme për të krijuar unitet mes nesh.
Sipas IRNA, në këtë takim, Masoud Pezeshkian shtoi: Krijimi i një tregu të madh të përbashkët në rajon dhe shkëmbimet akademike, shkencore dhe ekonomike mund t'i tregojnë botës madhështinë e botës islame. Pezeshkian theksoi: Një e ardhme më e mirë për vendet islame varet nga përpjekjet e suksesshme për të krijuar unitet mes nesh dhe nën hijen e një uniteti të tillë, ne kurrë nuk do të jemi dëshmitarë të krimeve si ato që po ndodhin në Gaza. Në këtë takim, Erdogan deklaroi: Unë e konsideroj shumë të vlefshëm propozimin tuaj për krijimin e një rrjeti rajonal të komunikimit. Presidenti i Iranit, i cili ka udhëtuar në Nju Jork në krye të një delegacioni të rangut të lartë politik për të marrë pjesë në sesionin e 79-të të Asamblesë së Përgjithshme të Kombeve të Bashkuara, do të mbajë një takim me përfaqësues të mediave dhe zyrtarë të huaj ku do të parashtrojë pikëpamjet e qeverisë së 14-të të Iranit. Deri më tani, Massoud Pezeshkian është takuar me një numër zyrtarësh dhe krerësh të vendeve të ndryshme, duke përfshirë Mbretin Abdullah II të Jordanisë, Sekretarin e Përgjithshëm të Kombeve të Bashkuara Antonio Guterres, Presidentin e Taxhikistanit Imam Ali Rahman dhe Presidentin e Këshillit Evropian Charles Michel.