Pars Today

ParsToday - Në ditën e parë të udhëtimit të tij në Nju Jork, presidenti i Republikës Islamike të Iranit pati disa takime me krerë shtetesh, krerë të organizatave ndërkombëtare dhe drejtues të lartë të mediave amerikane.

Presidenti i Iranit Masoud Mezikian, në një takim me drejtuesit e lartë të më shumë se 40 mediave amerikane të hënën, kritikoi prezantimin e imazhit të rremë të Iranit nga disa media perëndimore dhe tha: "Vendi dhe kombi ynë kanë një qytetërim dhe kulturë të pasur dhe të lashtë". Në këtë takim, Pezeshkian duke thënë se imazhi i paraqitur nga disa media në lidhje me Iranin nuk është i drejtë, deklaroi: "Republika Islamike e Iranit në asnjë mënyrë nuk po kërkon luftë dhe pasiguri në botë dhe kam ardhur këtu që në mbledhjen e AP të OKB të dërgoj mesazhin e paqes dhe miqësisë për të gjitha vendet dhe kombet e botës".

Irani mbështet paqen dhe sigurinë globale

Presidenti i Republikës Islamike të Iranit, në një takim me anëtarët e Grupit të Pleqve (Grupi i Pleqve me Ndikim), i cili përbëhet nga ish-krerë të vendeve dhe organizatave ndërkombëtare, gjithashtu duke thënë se Irani do të mbështesë çdo masë që forcon paqen dhe sigurinë në rajonin e Azisë Perëndimore dhe në botë, deklaroi: "Problemi serioz i botës së sotme është se një sërë shtetesh që kanë fuqi dhe forcë ushtarake, në emër të demokracisë dhe lirisë, mbyllin të gjitha rrugët e zhvillimit ndaj vendeve të tjera dhe i detyrojnë vendet e pavarura dhe liridashëse që të ecin në rrugën e konfrontimit".

Qasja e Iranit është zgjerimi i bashkëpunimit me të gjitha vendet e botës

Z. Pezeshkian u takua të hënën edhe me presidenten zvicerane Viola Amherd në hotelin e tij në Nju Jork.

Në këtë takim, presidenti i Republikës Islamike të Iranit shpjegoi qasjen e qeverisë së re të Iranit në politikën e brendshme dhe të jashtme e cila është e bazuar në unitetin kombëtar dhe në zgjerimin e ndërveprimit me të gjitha vendet e botës në bazë të respektit reciprok. Presidenti iranian tha: "Qeveria e Iranit në politikën e jashtme synon krijimin e stabilitetit, vendosjen e sigurisë dhe qetësisë në rajon, mirëpo regjimi sionist gjithnjë po përpiqet të nxisë luftë dhe të krijojë pasiguri".

Presidenti iranian theksoi për bashkëpunim konstruktiv

Në takimin me presidentin e Finlandës, Alexander Ashtob, Masoud Pezeshkian u shpreh se qasja e Republikës Islamike të Iranit në politikën e jashtme është de-përshkallëzimi, ndërveprimi konstruktiv me vendet e botës dhe vendosja e paqes, stabilitetit dhe sigurisë, ndërsa theksoi: "Ne, theksojmë nevojën e ndërveprimit dhe dialogut në vend të luftës dhe konfliktit mes vendeve të botës për të arritur një këndvështrim të përbashkët, si dhe për të forcuar multilateralizmin në zgjidhjen e problemeve".

Manifestimi i madhështisë së botës islame

Presidenti i Republikës Islamike të Iranit gjithashtu në takim me presidentin e Turqisë, theksoi se krijimi i një tregu të madh të përbashkët në rajon dhe shkëmbimet akademike, shkencore dhe ekonomike mund t'i tregojnë botës madhështinë e botës islame, ndërsa shtoi: "Një e ardhme më e mirë për vendet islamike varet nga përpjekjet e suksesshme për të krijuar unitet dhe në hijen e një uniteti të tillë nuk do të jemi dëshmitarë të krimeve si ajo që po ndodh në Rripin e Gazës".

Dialogu dhe mirëkuptimi, e vetmja rrugë për të arritur në një gjuhë dhe pikëpamje të përbashkët

Në takimin me presidentin e Këshillit të Evropës, presidentin e Republikës Islamike të Iranit tha: "Ne po kërkojmë një gjuhë dhe vështrim të përbashkët për të bashkëpunuar me vendet e tjera në fusha të ndryshme për përparim të ndërsjellë, prandaj dialogu dhe mirëkuptimi është mënyra e vetme për të arritur këtë vështrim dhe gjuhë të përbashkët".

Izraeli faktor i pasigurisë së rajonit

Masoud Pezeshkian në një takim me sekretarin e përgjithshëm të Kombeve të Bashkuara, shprehu gjithashtu shqetësimin e tij për zgjerimin e luftimeve në rajonin e Azisë Perëndimore dhe vuri në dukje se në kohën kur Irani për të parandaluar përshkallëzimin e tensioneve, tregoi durim përballë vrasjes së dëshmorit Ismail Hanije, sionistët pasi kanë vrarë dhe masakruar të paktën 41,000 njerëz civilë në Rripin e Gazës, tani kanë sulmuar Libanin dhe kanë vrarë shumë njerëz civilë".