Irani kërkon gjykimin e zyrtarëve izraelitë në Tribunalin e Nurembergut
Delegacioni parlamentar iranian në mbledhjen e Unionit Ndërparlamentar (IPU) kërkoi përjashtimin e regjimit izraelit nga ky takim dhe gjykimin e liderëve të këtij regjimi në Tribunalin e Nurembergut.
Sipas agjencisë iraniane të lajmeve IRNA, Manochehr Mottaki, kreu i Këshillit Ekzekutiv Ndërparlamentar të Parlamentit të Iranit, theksoi domosdoshmërinë e përjashtimit të regjimit izraelit nga takimi ndërkombëtar ndërparlamentar, duke thënë se krerët e këtij regjimi, komandantët ushtarakë dhe pilotët izraelitë që vrasin fëmijë duhet të gjykohen dhe të dënohen në Gjyqin e Nurembergut
Delegacioni parlamentar iranian u largua nga salla e mbledhjeve të hënën (më 14 tetor) gjatë fjalimit të përfaqësuesit të regjimit sionist në takimin ndërparlamentar të vendeve të botës në Gjenevë.
Gjithashtu, në shenjë proteste nga kjo sallë u larguan edhe delegacionet e Algjerisë, Jordanisë, Tunizisë dhe Turqisë, si dhe të Parlamentit Arab.
Gjyqet e Nurembergut janë një seri gjyqesh ushtarake të mbajtura pas Luftës së Dytë Botërore për të trajtuar krimet e luftës.
Sesioni i 149-të Ndërparlamentar (IPU) filloi punimet në Gjenevë të Zvicrës, me praninë e kryetarit të Parlamentit të Iranit, Mohammad Baker Ghalibaf dhe krerëve të tjerë të parlamenteve të vendeve të botës dhe do të vazhdojë deri të enjten, më 17 tetor.
