Zbulohen dallimet brenda kabinetit të Netanyahut në fushën e sigurisë
Dallimet brenda kabinetit të Beniamin Netanyahut në fushën e sigurisë janë intensifikuar dhe ministrat e kabinetit kanë mbajtur publikisht qëndrime kundër njëri-tjetrit.
Kanë kaluar 9 muaj nga fillimi i kabinetit të Netanyahut në territoret e pushtuara. Gjatë kësaj periudhe për çdo javë u mbajtën demonstrata masive kundër kabinetit. Pakënaqësia e njerëzve është shkaktuar nga ekstremizmi, racizmi, pushteti diktatorial dhe nga injorimi i parimit të ndarjes së pushteteve nga kabineti i Netanyahut. Demonstratat dhe pakënaqësia popullore kanë rezultuar në dobësimin e regjimit dhe presion të madh kundër kabinetit. Megjithatë, kabineti i Netanyahut po përballet edhe me probleme serioze brenda tij. Ndër këto probleme është mungesa e kohezionit dhe ekzistenca e një hendeku brenda kabinetit. Më parë, ministri i luftës i kabinetit kishte deklaruar kundërshtimin e tij ndaj planit të reformës në drejtësi, gjë që bëri që Netanyahu ta largonte atë, por më në fund, për shkak të presionit të gjerë publik dhe presionit të forcave ushtarake, ai u detyrua të tërhiqej nga vendimi i tij. Tani është shfaqur një shenjë e re mosmarrëveshjeje serioze në kabinetin e Netanyahut. Ministri i Luftës i regjimit sionist, Gallant, në një mesazh të fortë drejtuar Itmar Ben Gower, ministrit të Sigurisë së Brendshme të këtij regjimi, shprehu kundërshtimin e tij ndaj krijimit të "Gardës Kombëtare" si një departament i ndarë nga policia izraelite. Kanali 12 i TV të regjimit sionist njoftoi se Yu Av Gallant, ministri i luftës i këtij regjimi, në letrën e tij drejtuar Itmar Ben Gower, ministrit të Sigurisë së Brendshme të regjimit sionist, njoftoi se ngritja e një aparati të ri sigurie do të shkaktojë shumë probleme dhe shkatërrojnë sistemin e sigurisë. Nuk ka vend për milici speciale në Izrael, tha ai. Në përgjigje të mesazhit të tij, Ben Gower tha: Ministri Gallant ka ndjekur zakonin e shëmtuar të dërgimit të mesazheve nëpër media, në vend që ai të dërgojë mesazhe në zyrën tonë. Nuk e kemi marrë ende mesazhin e Gallantit që doli në media. Në fakt, komisioni nuk ka bërë ende rekomandimet e tij, por i sugjerojmë Gallantit të mos përfshihet në çështje që nuk e shqetësojnë. Ben Gower tha se ka arritur një marrëveshje me Benjamin Netanyahu, kryeministrin e regjimit sionist, për krijimin e “Gardës Kombëtare” dhe vetëm ai dhe Netanyahu do të vendosin se si do të funksionojë kjo gardë dhe jo ministri Gallant. Mosmarrëveshja mes Gallant dhe Ben Gower nuk lidhet vetëm me ngritjen e Gardës Kombëtare, por më parë palët kanë pasur mosmarrëveshje edhe për ndjekjen penale të kolonëve sionsitë. Ben Gower beson se Gallant ndoqi penalisht kolonët në vend të palestinezëve, por Gallant nga ana tjetër deklaroi se kolonët ekstremistë që krijojnë kaos janë mbështetësit e Ben Gower dhe duhet të ndiqen penalisht. Prandaj, në mosmarrëveshjen e re me Gallantin, Ben Gower iu referua edhe mosmarrëveshjes së mëparshme dhe tha: Gallantit, i cili u përpoq të prishte reformat ligjore dhe ndjek kolonët, i kërkojmë të mos përzihet në punët e Gardës Kombëtare. Pika e fundit është; Mosmarrëveshja për ngritjen e Gardës Kombëtare nuk është vetëm mes Gallant dhe Ben Gower, por disa zyrtarë të lartë të ushtrisë sioniste deklaruan gjithashtu se krijimi i një zyre të tillë që varet drejtpërdrejt nga Itmar Ben Gower është një fatkeqësi dhe humbje e madhe për sigurinë e këtij regjimi.
