Demonstrata sioniste në Tel Aviv për të shpërbërë kabinetin e Netanyahut
Demonstruesit në Tel Aviv kërkuan shpërbërjen e kabinetit të Netanyahut dhe mbajtjen e zgjedhjeve të parakohshme në territoret e pushtuara.
Demonstruesit në rrugën Kabulan në Tel Aviv kërkuan shpërbërjen e kabinetit të Netanyahut dhe mbajtjen e zgjedhjeve të parakohshme. Ata gjithashtu kërkuan veprime të menjëhershme për lirimin e të burgosurve sionistë në Gaza. Më herët, burime hebraisht-folëse njoftuan se sionistët zhvilluan demonstrata në Tel Aviv dhe kërkuan nënshkrimin e menjëhershëm të marrëveshjes së shkëmbimit të të burgosurve me Hamasin në Gaza. Demonstratat kundër Netanyahut u bënë të dhunshme dhe forcat e policisë së Tel Avivit sulmuan protestuesit e kryeministrit izraelit. Gazetari i Al Jazeera gjithashtu raportoi se policia izraelite arrestoi 18 demonstrues në Tel Aviv. Në këtë demonstratë, protestuesit sionistë kanë brohoritur parulla duke kërkuar rrëzimin e kabinetit të Benjamin Netanyahut dhe mbajtjen e zgjedhjeve të parakohshme parlamentare. Operacioni “Stuhia Al-Aksa” nga rezistenca palestineze ka çuar në thellimin e ndasive politike mes autoriteteve të regjimit sionist. Së fundmi gazeta sioniste “Haaretz” në një raport, duke shprehur shqetësimin për vazhdimin e kabinetit aktual të regjimit nën kryeministrin Netanyahu, si dhe vazhdimin e luftës së Tel Avivit kundër popullit të Gazës, shkruante: Netanyahu do ta copëtojë Izraelin në kohë lufte dhe do të rrezikojë aleancën me Uashingtonin. Kjo gazetë sioniste theksoi se sipas sondazheve, popullariteti i Netanyahut në mesin e sionistëve është ulur dhe shtoi: Izraelitët janë të lodhur nga Netanyahu, por ai ende qëndron pas pushtetit”.
