Izraeli, krahu i Perëndimit për shpëtimin e qytetërimit kolonialist
Për shekuj me radhë, Perëndimi është përpjekur ta portretizojë Islamin si një fe të dhunshme për të justifikuar sulmin ndaj myslimanëve.
Nga kryqëzatat e deri tek Perandoria Osmane, dhe tani në Gaza, imperializmi bazohet në besimin e rremë se Islami është një kërcënim për qytetërimin perëndimor. Për shkak të këtij mendimi, pa përmendur vrasjen e mijëra palestinezëve në Gaza nga ky regjim, Isac Herzog, kreu i regjimit sionist, pohoi në një intervistë më 6 dhjetor 2023 se lufta kundër Rripit të Gazës nuk është një luftë midis Izraelit dhe Hamasit, por një luftë për të shpëtuar qytetërimin perëndimor. Një pretendim që shpërfill faktet historike në favor të një qëndrimi dekadent që promovon sektarizmin. Një pikëpamje që ka forcuar pushtuesit imperialistë të Amerikës, Evropës dhe Izraelit, pushtimin 75-vjeçar të tokës palestineze, spastrimin etnik dhe shkatërrimin e jetës së palestinezëve. Në këtë pikëpamje, asnjë zë përveç zërit të Perëndimit nuk lejohet dhe vetëm ata mund të interpretojnë idealet dhe pozicionet e palestinezëve. Që nga 7 tetori i vitit 2023, me mbështetjen e plotë të vendeve perëndimore, regjimi izraelit ka nisur një masakër të re masive në Rripin e Gazës dhe Bregun Perëndimor të lumit Jordan kundër popullit të pambrojtur dhe të shtypur palestinez. Sipas raportimeve të fundit, më shumë se 31 mijë palestinezë janë martirizuar dhe mbi 74 mijë janë plagosur në sulmet e regjimit sionist në Gaza. Regjimi izraelit u krijua në vitin 1917 me projektimin e kolonializmit britanik dhe nëpërmjet emigrimit të hebrenjve nga vende të ndryshme në tokën palestineze dhe ekzistenca e tij u shpall në vitin 1948. Që atëherë, plane të ndryshme të vrasjeve masive janë kryer për të gjenociduar palestinezët dhe për të marrë nën kontroll të gjithë tokën e tyre.
