Shpërthime pranë ambasadës amerikane në Bagdad
Mediat irakiane thanë se disa shpërthime janë dëgjuar pranë ambasadës amerikane në zonën e gjelbër të fortifikuar të Bagdadit, pa dhënë asnjë informacion rreth rrethanave që rrethojnë incidentin.
Agjencia e lajmeve Ababeel, tha se misioni diplomatik amerikan në Bagdad ndezi sirenat e alarmit pas shpërthimeve, të cilat ndodhën herët të enjten. Ababeel raportoi se shpërthimet tronditën zonat pranë ambienteve të ambasadës. Asnjë deklaratë zyrtare nuk ka konfirmuar lajmin për shpërthimet dhe asnjë detaj tjetër nuk është publikuar. Më 19 maj, dy burime të sigurisë irakiane, duke folur në kushte anonimiteti, thanë se një shpërthim ishte dëgjuar pranë ambasadës amerikane në Zonën e Gjelbër të Bagdadit. Një burim i tha agjencisë së lajmeve Shafaaq, se shpërthimi besohet të jetë shkaktuar nga një raketë Katjusha që goditi këtë zonë.
