Parlamenti i Afrikës së Jugut voton në favor të zvogëlimit të lidhjeve me regjimin izraelit
Parlamenti i Afrikës së Jugut në solidaritet me palestinezët votoi në favor të uljes së marrëdhënieve të vendit me regjimin izraelit.
Legjislatura votoi të martën për një projekt rezolutë përkatëse, raportoi faqja e internetit e Middle East Eye News me qendër në Londër. Draft rezoluta ishte prezantuar nga Partia Kombëtare e Lirisë (NFP) duke çuar në uljen e nivelit të ambasadës së vendit në territoret e okupuara duke pasur parasysh abuzimet e vazhdueshme të regjimit kundër palestinezëve. NFP lëshoi një deklaratë, duke thënë se një veprim i tillë do të ishte mbështetur nga udhëheqësi i ndjerë anti-aparteid i Afrikës së Jugut, Nelson Mandela. "Ky është një moment për të cilin Mandela do të ishte krenar. Ai gjithmonë thoshte se liria jonë është e paplotë pa lirinë e palestinezëve," thuhej në deklaratë. Regjimi izraelit "u ndërtua përmes zhvendosjes, vrasjeve dhe shtypjes së palestinezëve. Dhe për të mbajtur kontrollin e tyre mbi pushtetin, ata kanë krijuar aparteid për të kontrolluar dhe shtypur palestinezët", vuri në dukje deklarata. "Si jugafrikanë, ne nuk pranojmë të qëndrojmë indiferentë ndërsa aparteidi po kryhet përsëri."