Ushtria e Sudanit: Kemi marrë përsëri bazën ajrore Al-Nujumi
Ushtria sudaneze njoftoi se ka rimarrë bazën ajrore Al-Nujumi nga forcat e reagimit të shpejtë në jug të Khartoumit, kryeqyteti i këtij vendi.
Sipas agjencisë së lajmeve IRIB, një burim i informuar në ushtrinë sudaneze i tha Al Jazeera se kjo bazë ishte nën kontrollin e forcave të reagimit të shpejtë që nga fillimi i ngjarjeve të fundit dhe pas përleshjeve intensive ajo ra nën kontrollin e ushtrisë dhe përdorimi i saj filloi menjëherë. Gjithashtu mësohet se avionët luftarakë të ushtrisë sudaneze shënjestruan vendndodhjet e forcave të reagimit të shpejtë në zonën Al-Jarief në lindje të Khartoum. Pas sulmit ajror në një fshat me pamje nga lumi Nil dhe në një nga shkollat që forcat e reagimit të shpejtë e kanë kthyer në bazë ushtarake, kolonat e tymit kanë mbushur qiellin e kësaj zone. Ndërkohë, afati i armëpushimit mes dy palëve ka përfunduar. Që nga 15 prilli, Sudani ka qenë dëshmitar i një konflikti midis ushtrisë nën komandën e Abdul Fattah al-Barhan dhe forcave të reagimit të shpejtë nën komandën e Muhammad Hamdan Daghlo (Hamidati). Konflikte ka në kryeqytetin Khartoum dhe qytete të tjera në veri dhe në perëndim të vendit. Armëpushimi është shpallur disa herë, por palët vazhdojnë ta shkelin atë. Lufta në të gjithë Sudanin ka lënë më shumë se 1800 të vdekur. Kombet e Bashkuara njoftuan se më shumë se një milion njerëz janë zhvendosur brenda Sudanit dhe 300,000 njerëz kanë kërkuar strehim në vendet fqinje.
