Rritje e mprehtë e shitjeve të armëve nga Amerika, Franca dhe Gjermania në Azinë Perëndimore
Një institut kërkimor në Suedi raportoi një rritje të eksportit të armëve ushtarake në Azinë Perëndimore me "25%" gjatë dekadës së fundit.
Instituti Ndërkombëtar i Kërkimeve të Paqes në Stokholm (SIPRI), i cili studion konfliktet ushtarake dhe analizon tregtinë e armëve, njoftoi se shitjet e armëve kanë qenë në një prirje të qëndrueshme globalisht gjatë dekadës së fundit. Sipas raportit të SIPRI, numri i eksporteve të armëve në Azinë Perëndimore është rritur për shkak të rritjes së ndjeshme të blerjes së armëve ushtarake nga disa vende, përfshirë Arabinë Saudite, Egjiptin dhe Katarin. Ndërkohë, Egjipti dhe Katari kanë shënuar rritje prej 136 dhe 361 për qind në importin e armëve ushtarake. Sipas raportit të “SIPRI”, edhe pse shitja e armëve ka qenë e qëndrueshme në periudhën 2011-2020 në nivel global, Shtetet e Bashkuara, Franca dhe Gjermania kanë rritur ndjeshëm eksportin e armëve ushtarake. Nga ana tjetër, eksportet e armëve nga Rusia dhe Kina gjatë kësaj periudhe janë ulur. Emrat e të tre vendeve, SHBA, Franca dhe Gjermania, janë ndër pesë eksportuesit kryesorë të armëve ushtarake në botë. Sipas raportit të Institutit Ndërkombëtar të Kërkimeve të Paqes në Stokholm, Amerika është ende eksportuesi më i rëndësishëm i armëve ushtarake në botë. Sipas këtij raporti, Shtetet e Bashkuara kanë rritur pjesën e tyre në eksportet totale të armëve në botë nga 32 në 37 për qind gjatë dekadës së fundit. Prania dhe veprimet ushtarake perëndimor në Azinë Perëndimore, si operacionet ushtarake në Irak, Afganistan dhe Siri, si dhe prania e Izraelit në këtë rajon, konsiderohen si faktorët më të rëndësishëm në shitjen e armëve nga kompanitë perëndimore në këtë zonë gjeografike.
