Myslimanët e Gjermanisë kundër vendimit të Gjykatës Evropiane
Myslimanët e Gjermanisë janë ngritur kundër vendimit të Gjykatës Evropiane për ndalimin e përdorimit të hixhabit islamik në krye të detyrës.
Gjatë një tubimi në Berlin, myslimanët pasi shprehën keqardhjen për vendimin e gjykatës evropiane kanë thënë se në verdiktin e kësaj gjykate nuk vihet re asnjë shenjë drejtësie. Gjykata Evropiane e të Drejtave të Njeriut u dha punëdhënësve të drejtën t’ua ndalojnë vartësve të tyre mbajtjen e simboleve të dukshme fetare. Ky ishte i pari vendim i saj mbi çështjen e grave që mbajnë shami koke në vendin e punës. Dy ishin rastet e shqyrtuara nga organizmi me seli në Strasburg: ai i një inxhiniereje “softuerë”-sh në Francë dhe i një recepsionisteje në Belgjikë. E para mbante perçe në punë, e dyta mbulonte kokën me shami. Rregullat e brendshme të një sipërmarrjeje, të cilat ndalojnë mbajtjen e çdo simboli të dukshëm politik, filozofik ose fetar nuk përbëjnë diskriminim të drejtpërdrejtë, thuhet në vendim.
