Pars Today

Me vazhdimin e vrasjeve dhe gjenocidit të regjimit sionist në Rripin e Gazës, numri i mbështetësve të Palestinës po rritet çdo ditë e më shumë dhe më shumë qytete po dëshmojnë demonstrata publike dhe studentore në protestë kundër krimeve të këtij regjimi.

Demonstratat studentore nisën më 17 prill në Universitetin Kolumbia në Shtetet e Bashkuara për të protestuar kundër vrasjeve të kryera nga regjimi sionist në Gaza. Kjo demonstratë ka qenë një pikë kthese për lëvizje edhe më të gjera që protestojnë kundër gjenocidit izraelit në Gaza. Sipas agjencisë së lajmeve Anatolia, të premten demonstrata studentore në mbështetje të Palestinës u zhvendos në Japoni dhe një demonstratë u mbajt në Universitetin Waseda në Tokio për të protestuar kundër agresionit të vazhdueshëm të Izraelit në Rripin e Gazës.  Pamjet e publikuara në rrjetet sociale tregojnë se dhjetëra studentë janë mbledhur në këtë universitet në mbështetje të palestinezëve dhe kanë brohoritur sloganin “Palestina e lirë, Palestina e lirë dhe Palestina do të jetë e lirë”. Gjithashtu, ndërsa thirrjet për largim nga Izraeli u shtuan, studentët dhe aktivistët ngritën tenda në universitetet kryesore australiane, duke përfshirë atë në Sidnei. Protesta studentore u mbajtën nga Australia në Francë, Britani dhe Kanada ku studentët bërtisnin parulla anti-sioniste në mbështetje të Palestinës. Populli i Suedisë, gjithashtu doli në rrugë në mbështetje të Palestinës dhe për të kërkuar përfundimin e luftës së Izraelit kundër Gazës. Protestat e studentëve australianë kundër vazhdimit të luftës në Gaza kanë marrë dimensione të reja. Qindra studentë kanë protestuar në dy universitetet kryesore në Melburn. Në vendin e grumbullimit të studentëve janë dërguar edhe forca policore. Në këto protesta, të cilat janë pjesë e protestave ndërkombëtare të studentëve kundër krimeve të Izraelit në Gaza, janë parë skena të dhunshme. Në Britani, studentët në disa universitete organizuan mitingje proteste dhe kërkuan nga universitetet e tyre të tërhiqnin fondet nga Izraeli dhe t'i jepnin fund çdo lloj bashkëpunimi me këtë regjim në luftën që çoi në gjenocidin në Gaza. 34 mijë e 654 palestinezë u martirizuan dhe 77 mijë e 908 u plagosën në agresionin e Izraelit në Gaza që nga 7 tetori i vitit të kaluar. Sipas Kombeve të Bashkuara, lufta e Izraelit kundër Gazës është bërë shkak për zhvendosjen e 85% të popullsisë së rajonit, mungesë të madhe të ushqimit, ujit të pijshëm dhe ilaçeve, ndërsa 60% e infrastrukturës së Gazës është dëmtuar ose shkatërruar.