Амирабдуллоҳён : Тавофуқи Эрону Арабистон осори мусбате барои минтақа ва Лубнон дорад

Вазири умӯри хориҷаи Эрон гуфт : Тавофуқ бо Арабистон осори мусбате бар Эрон ва минтақа доштаасту кишвари Лубнон низ аз паёмадҳои мусбати он баҳраманд хоҳад шуд .

Ба гузориши радиои тоҷикии Садои Хуросон, Ҳусайни Амирабдуллоҳиён-вазири умӯри хориҷаи Эрон асри ҷумъа дар поёни сафари худ ба Лубнон дар бинои ҷадиди сафорати Эрон дар Бейрут дар конфаронси хабарӣ дар хусӯси муҳимтарин меҳварҳои гуфтугуҳои дуҷониба ва минтақаӣ бо мақомоти Лубнон, бо баёни инки Ҷумҳурии исломии Эрон дар авлавияти сиёсати ҳамсоямеҳвар гуфтугу бо кишварҳои ҳамсояро дар садри барномаҳои худ қарор додааст, гуфт : Лубнон ҷойгоҳи вижае дар минтақа дорад ва ҳамвора бо мақомоти лубнонӣ дар ҳоли машварат ҳастем ва ҷойгоҳи Лубнон дар хатти муқаддами муқовимат ҳам мавриди тавваҷуҳи ҷаддии Эрон аст .
Амирабдуллоҳиён ҳамчунин дар бораи иқдомоти ахири режими саҳюнистӣ гуфт : Тасмимоти муқовимат барои тазмини суботу амният дар минтақа ва ақиб рондани режими саҳюнистӣ аз барномаҳои буландпарвозонаи онҳо тасмими муассир аст .
Вазири умӯри хориҷаи Эрон гуфт : Таҳримҳои Амрико шикаст хурдааст ва дар ҳамин шароит Эрон ба бархе аз кишварҳо аз ҷумла Ироқ нафту барқ содир мекунад ва ироқиҳо барои ҳалли мушкилоти ҳавзаи газу барқ дар гуфтугу бо Амрико кишвари худро аз таҳримҳо дар ин замина мустасно карданд .
Амирабдуллоҳиён ҳамчунин дар хусӯси интихоботи Лубнон ёдовар шуд : Ҳар касе аз миёни мардуми Лубнон интихоб шавад мавриди ҳимояти Ҷумҳурии исломмм Эрон хоҳад буд ва итммнон дорем лубнониҳо шойистагии лозим барои такмили фароянди сиёсӣ ва интихоби раиси ҷумҳӯрро доранд .
Вазири умӯри хориҷаи Эрон бо ишора ба инки тавофуқи Эрон-Саъӯдиро ба нафъи манофеи ду кишвару минтақа арзёбӣ мекунем, тасреҳ кард : Тамосҳои Эрону Саъӯдӣ дар чорчӯби дипломасиро мусбат арзёбӣ мекунем ва муътақидем ояндаи минтақа ба самти ҳамкориҳои минтақаӣ ҳаракат мекунад .
Амирабдуллоҳиён равобити Теҳрону Димишқро мумтоз, амиқ ва стротежик донист ва гуфт : Талошҳои зиёде барои фурӯпошии низоми сиёсии Димишқ ва таҷзияи Сурия аз соли 2011 анҷом шуд, аммо раиси ҷумҳӯр, мардум ва неруҳои мусаллаҳ дар баробари неруҳои террористӣ истоданд ва пирӯз шуданд.