Ҳуҷҷатулислом Сиддиқӣ: Ҳамлаи бамавқеи муқовимат машруъ ва мақбул аст

Хатиби ин ҳафтаи намози ҷумъаи Теҳрон таъкид кард, ки ҳамлаи бамавқеи муқовимат машруъ ва мақбул дар саҳнаи байналмилал ва виҷдонҳои умумӣ буда ва биломонеъ аст.

Ҳуҷҷатулислом валмуслимин Козими Сиддиқӣ дар хутбаҳои имрӯзи намози ҷумъаи Теҳрон гуфт, нахуствазири ҷинояткор ва беақли режими саҳюнистӣ мураттаб хонаҳои мардумро тахриб мекунад, пас дифоъ амре фитрӣ будааст.

Хатиби намози ҷумъаи Теҳрон афзуд, 70 сол хонаҳои мардуми Ғазза тахриб шуд, овора шуда ва кушта доданд ва дар муҳосира қарор гирифтанд.

Сиддиқӣ ҳамчунин гуфт, саҳюнистҳо имконоте аз ҷумла девори ҳоил, ки миллионҳо доллар барои сохти он харҷ карда буданд, ки камтар аз девори Хайбар набуд, вуҷуди бурҷҳои муроқибату воҳидҳои шиносоӣ, паҳподҳои гаштзанӣ, ҳимояти иттилоотии Амрико ва чанд кишвари ғарбӣ, расади симкортҳои гӯшии мардуми Фаластинро доштанд.

Сиддиқӣ хотирнишон кард, саҳюнистҳо фикр намекарданд ҳазорон разманда барқосо аз ин мавонеъ убур кунанду пойгоҳҳои низомиро дар ҳам кӯбидаву низомиёни режими ишғолгари Қудсро ба ҳалокат расонанд ва бо усарои фаровон ба Ғазза бозгарданд.

Хатиби намози ҷумъаи Теҳрон афзуд, дар ин амалиёт афсонаи шикастнопазирии ҷабҳаи ботил шикаст, аммо душман на размандагон, балки хонаҳои мардумро вайрон кардаву кӯдакону модарону падаронро кушт, фоҷеае азим асту наслкушӣ дар Ғазза рух додааст.