Исломобод : Эрон ҳамчунон кишвари дӯст ва бародари Покистон аст
Нахуствазири Покистон бо ишора ба собиқаи таърихии дӯстии ин кишвар бо Ҷумҳурии Исломии Эрон ва талоши Исломобод барои рафъи нигарониҳои амниятии ҳамсояи худ, гуфт: Эрон ҳамчунон кишвари дӯст ва бародари Покистон аст.
Ба гузориши радиои тоҷикии Садои Хуросон, баъд аз ҳамлаи ахири Эрон ба мақари террористҳо дар Покистон ва мутақобилан ҳамлаи Покистон ба як нуқтаи марзӣ дар Эрон, ки ба гуфтаи давлати ин кишвар маҳалли иқомати террористҳои покистонӣ будааст, сояе аз тирагӣ бар равобити дерина ин ду кишвар афканда шуда буд, аммо мақомот ду кишвар бар зарурати ҷилавгирӣ аз ташдиди танишҳо таъкид карданд ва сипас Исломобод аз тавофуқ бо Теҳрон дар бораи коҳиши таниш дар равобити дуҷониба хабар дод.
Бозгашти равобити Эрон ва Покистон ба ҳолати оддӣ дар шароите аст, ки бархе тарафҳои судкунанда аз таниш ва тира шудани муносиботи Теҳрон ва Исломобод саъй мекарданд бо бузургнамоии мавзӯъи иқдоми низомии Эрон зидди террористҳо дар Покистон, ҳам ба ташдиди танишҳо дар равобити ду кишвар доман бизананд ва ҳам ин иқдоми Эронро ба маънои қудратнамоӣ зидди ҳамсоягон қаламдод кунанд.
