"Эронро кашф кун"; пуршукӯҳтарин маъракаи расонаӣ барои муаррифии зарфиятҳои Хуросони Ҷанубӣ

Порс Тудей- Рӯйдоди миллии "Эрони ҷон" бо тамаркуз бар зарфиятҳои мутанаввеи фарҳангӣ, иқтисодӣ, маъданӣ ва гардишгарии устони Хуросони Ҷанубӣ, шарқи Эрон, дар конуни таваҷҷуҳи шабакаҳои радиоӣ ва телевизионии муовинати бурунмарзии Созмони Садо ва Симо қарор гирифтааст.

Рӯйдоди миллии "Эрони ҷон", ки дар муовинати бурунмарзии Созмони Садо ва Симо таҳти унвони маъракаи "Эронро кашф кун" иҷро мешавад, ин ҳафта ба муаррифии ҷозибаҳо ва тавонмандиҳои устони Хуросони Ҷанубӣ ихтисос ёфтааст ва талош дорад ҷилваҳои мутанаввеи ин устонро ба мухотабони дохилӣ ва байналмилалӣ ироа кунад.

Хуросони Ҷанубӣ, севумин устони паҳновари Эрон ва дорои тӯлонитарин марз бо Афғонистон, устоне ҷавон бо потенсиалҳои чашмгир дар кишоварзӣ, фарҳанг, тиҷорат, иқтисод, улум, маодин, гардишгарӣ ва мероси таърихӣ аст. Ин зарфиятҳои мутанаввеъ, Хуросони Ҷанубиро ба яке аз устонҳои калидии Эрон дар масири рушд ва тавсиа табдил карда ва фурсатҳои густардае барои муаррифии Эрон дар сатҳи миллӣ ва байналмилалӣ фароҳам мекунад.

Дар ҳамин росто, шабакаҳои радиоӣ ва телевизионии муовинати бурунмарзӣ ҳамзамон бо соири шабакаҳои саросарӣ, ба тавлид ва пахши маҷмӯае аз барномаҳои мутанаввеъ дар қолаби гуфтугӯмеҳвар, мустанад, вола, миёнбарнома, клип, филлер, подкаст ва видеокаст иқдом кардаанд. Ҳамчунин торнамоҳо, шабакаҳои иҷтимоӣ ва платформаҳои вобаста ба ин шабакаҳо низ бо интишори гузоришҳои хабарӣ, мақолоти, албомҳои тасвирӣ ва ба рӯз кардани видеоҳои мухталиф, ба инъикоси ҷилваҳои гуногун аз "Хуросони Ҷанубӣ" пардохтаанд. Дар ин гузориш бархе аз ин барномаҳо ва иқдомоти расонаӣ дар қолаби маъракаи "Эрон ҷон, Хуросони Ҷанубии Эрон" ишора шудааст, ки мехонед:

Шабакаи Саҳоб; тавлид ва пахши вижабарномаҳои радиоӣ ва миёнбарномаҳои фарҳангӣ

Гурӯҳи фарҳанг ва маорифи шабакаи Саҳоб дар қолаби рӯйдоди миллии "Эрон ҷон", панҷ эпизоди барномаи радиоӣ бо унвони "Эрон ҷон" ва чаҳор подкаст бо унвони "Эронро кашф кун" таҳия кардааст. Ин барномаҳо пас аз тарҷума ва забонгузинӣ тавассути ҳамкорони шабака, аз радиоҳои бурунмарзӣ пахш ва дар сойти Эрон-радио ва ҳамчунин шабакаҳои иҷтимоӣ боргузорӣ хоҳанд шуд.

Гурӯҳи хабар ва тафсири шабакаи Саҳоб низ чаҳор гузориши хабарӣ бо меҳварияти муаррифии устони Хуросони Ҷанубӣ дар дасти тавлид ва интишор дорад. Ин гузоришҳо илова бар пахши радиоӣ, дар пойгоҳҳои интернетии радиоҳо ва фазои маҷозӣ мунташир хоҳанд шуд. Ҳамчунин тамоми каналҳои шабакаи Саҳоб дар иқдоми муштарак, маҷмӯае аз барномаҳоро бо меҳвари муаррифии Хуросони Ҷанубӣ дар дастури кор доранд; аз ҷумла: тавлиди 101 миёнбарнома бо мавзӯи муаррифии устон ва диданиҳои он, муаррифии рустоҳои гардишгарии устон, муаррифии шоир ва чеҳраи фарҳехта Ибни Ҳусом, муаррифии Боғи Акбария ва миёнбарномаҳое бо меҳвари заъфарон, унноб ва писта. Радиои англисии шабакаи Саҳоб низ як барномаи таъминӣ бо унвони "Эрон"-ро ба мавзӯи ҳафтаи эронӣ, яъне устони Хуросони Ҷанубӣ, ихтисос додааст.

Шабакаи ҷаҳонии Саҳар; тавлид ва пахши барномаҳои чандзабона

Шабакаи ҷаҳонии Саҳар дар чорчӯби маъракаи "Эронро кашф кун", маҷмӯае аз тавлидоти расонаии чандзабона бо меҳвари устони Хуросони Ҷанубиро омода ва пахш кардааст. Ин шабака шомили панҷ канали телевизионӣ ба забонҳои бусниёӣ, курдӣ (суронӣ ва курмонҷӣ), озарӣ, урду ва дарӣ аст ва иқдом ба тавлиди филлерҳое бо мазомине ҳамчун муаррифии маҳсулоти кишоварзӣ, ҷозибаҳои гардишгарӣ, геопаркҳои сабтшудаи ҷаҳонӣ ва саноеи дастӣ дар фосилаҳои замонии мухталиф кардааст. Ҳамчунин пахши аниматсияи "Ҳупарӣ" дар 13 қисмат аз барномаҳои муштараки миёни каналҳо аст.

Бо таваҷҷуҳ ба ҳамҷавории Хуросони Ҷанубӣ бо Афғонистон ва иртиботи фарҳангӣ ва забонӣ бо форсизабонони ин кишвар, канали Саҳари Афғонистон ривоятгарии густардае аз устони Хуросони Ҷанубӣ ироа медиҳад.

iFilm; пӯшиши вижаи маъракаи "Эронро кашф кун" дар Хуросони Ҷанубӣ

Тамоми каналҳои iFilm, шомили арабӣ, форсӣ, англисӣ ва дарӣ бо пахши филлер, клип ва миёнбарнома ба рӯйдоди миллии "Эрон ҷон" ва маъракаи расонаии "Эронро кашф кун" мепардозанд. Бо ин ҳол, дар канали Ойфилми дарӣ ин маърака ба шакли вижатаре дунбол мешавад ва тамаркузи бештаре бар муаррифии устони Хуросони Ҷанубӣ дорад.

Аз муҳимтарин айтемҳои ин канал, пахши 7 мустанад бо мавзӯъҳои фарҳангӣ, иҷтимоӣ, зистмуҳитӣ ва муаррифии бахшҳо, нуқот ва зистбуми устони Хуросони Ҷанубӣ аст. Ҳамчунин дар қолаби барномаи "Шумо ва Ойфилм", маърака ба сурати як барномаи комил ва ҳамчунин дар қолаби айтемҳои кӯтоҳ дар рӯзҳои мухталиф ба мухотабон ироа мешавад. Торнамо, шабакаҳои иҷтимоӣ ва платформаҳои вобаста ба Ойфилм низ дар тӯли ҳафта бо ба рӯз кардани муҳтавоҳои мутанаввеъ, шомили акс, видео ва подкаст, пӯшиши маъракаи Хуросони Ҷанубиро тақвият мекунанд.

Пресс ТВ; ҳамроҳии мухотабон бо барномаҳои «Эрони имрӯз» ва «Эрони так»

Шабакаи Пресс ТВ бо ду барномаи "Эрони имрӯз" ва "Эрони так", мухотабони худро бо меҳвари устони Хуросони Ҷанубӣ ҳамроҳ кардааст. Ин шабака дар барномаи "Эрон имрӯз" ҷозибаҳо ва зарфиятҳои фарҳангӣ ва гардишгарии устонро ба мухотабони байналмилалӣ муаррифӣ карда ва дар барномаи "Эрон тек" низ бар дастовардҳои илмӣ ва пешрафтҳои фановаронаи устон тамаркуз дорад.

Илова бар ин, Пресс ТВ аз тариқи филлерҳои кӯтоҳи миёнбарномаӣ, ки бо ҳадафи намоиши гӯшаҳое аз зебоиҳо ва тавонмандиҳои устон ба забони англисӣ тавлид шуда ва дар фосилаҳои барномаҳои мухталиф пахш мешаванд, паёми маъракаи «Эрон ҷон»-ро ба таври густардатаре ба мухотабон мунтақил мекунад.

HispanTV; тавлид ва пахши барномаҳои испаниёизабон барои Хуросони Ҷанубӣ

Шабакаи Ҳиспан ТВ, шабакаи испаниёизабони муовинати бурунмарзӣ, бо пахши 11 филлер шомили: барномаи Эрон, корвонсаройи Калмар, ободии Деҳук, Хур, Табас, кавири Пуштисиёҳ, Исфаҳак, Азмиғон, бардошти заъфарон, Қоинот, саноеи дастӣ, қалъаи Бирҷанд, шаҳри Бирҷанд ва мадрасаи Шавкатия ва ҳамчунин барномаи "Эрон син филтро" ба муаррифии устон пардохтааст.

Ҳамчунин, мустанадҳои Мероси Ховарони Зеркӯҳ, кишоварзии маҳсулоти органик, кишоварзии хурмо ва сафарномаи кавир дар ҷадвали пахш қарор доранд. Шабакаи Ҳиспан ТВ 16 тайм-лапс бо номҳои бентонит, зуғолсанг, магнезит, саноеи дастӣ, писта, заъфарон ва зиришк низ дар дасти пахш дорад.

Ал-Олам; эъзоми гурӯҳ ва тавлиди миёнбарномаҳои кӯтоҳ

Шабакаи Ал-Олами муовинати бурунмарзӣ, бо эъзоми гурӯҳе ба устони Хуросони Ҷанубӣ, тавлид ва пахши барномаҳоро ҳам ба сурати мустақил ва ҳам бо мушорикати маркази барномасозӣ анҷом медиҳад. Ҳамчунин, мавзӯи пахши чанд миёнбарномаи кӯтоҳ ва филлер низ аз иқдомоти мутадовили ин шабака дар маъракаи "Эрони ҷон" аст.

Фаъолиятҳои шабакаҳои радиоӣ ва телевизионии бурунмарзӣ дар рӯйдоди миллии "Эрони ҷон" ҳамроҳ бо тавлиди мустанадҳо, миёнбарномаҳо, филлерҳо ва муҳтавои диҷитол, тавонистааст ҷилваҳои мутанаввеи устонҳои кишварро ба мухотабони байналмилалӣ муаррифӣ кунад.

Ин маърака нишон додааст, ки расонаҳои ҷаҳонӣ метавонанд ба таври муассир зарфиятҳои гардишгарӣ, фарҳангӣ, иқтисодӣ ва таърихии устонҳоро мунъакис карда ва тасвири чандбуъдӣ ва зиндае аз зиндагии мардум ва тавонмандиҳои манотиқи мухталифи Эрон ироа диҳанд. "Эронро кашф кун" намунаи муваффақ аз таъсиргузории расонаҳои бурунмарзӣ дар муаррифии потенсиалҳои кишвар ва иртиқои шинохти мухотабони ҷаҳонӣ аз устонҳои Эрон аст.