Вазорати беҳдошт, дармон ва омӯзиши пизишкии Эрон, теъдоди беҳбудёфтагони бемории корона дар кишварро ҳудуди 346 ҳазор нафар эълом кард.

Симо Содоти Лорӣ - сухангӯи вазорати беҳдошт, дармон ва омӯзиши пизишкии Эрон рӯзи ҷумъа дар бораи охирин омори мубталоён ба вируси корона дар кишвар гуфт: Бар асоси меъёрҳои қатъии ташхисӣ, дар 24 соати гузашта, ду ҳазору 89 бемори нави гирифтор ба КОВИД- 19 дар Эрон шиносоӣ шуд, ки   956 нафар бистарӣ шуданд ва ба бақияи беморон низ ба сурати сарипоӣ хадамот расонда шуд.

 Лорӣ бо баёни ин ки маҷмӯи беморони КОВИД-19 дар Эрон ба 402 ҳазору 29 нафар расидааст, афзуд: муттассифона дар 24 соати гузашта, 128 нафар аз ин беморон ҷони худро аз даст доданд ва маҷмӯъи ҷонбохтагони ин беморӣ дар кишвар ба 23 ҳазору 157 нафар расидааст.

 Ба гуфтаи сухангӯи вазорати беҳдошти Эрон, то кунун 346 ҳазору 242 нафар аз беморон низ беҳбуд ёфта ва аз бемористонҳо мураххас шудаанд.

Теъдоди афроди мубтало  ба вируси корона дар ҷаҳон низ ба ҳудуди 29 миллион нафар расидааст, ки аз ин теъдод дасти кам 924 ҳазор нафар ҷони худро аз даст доданд ва беш аз 20 миллион нафар ҳам беҳбуд ёфтаанд.