Радди иттиҳоми дахолати Эрон дар интихоботи раёсатҷумҳурии Амрико

Сухангӯи ҳайати намояндагии Эрон дар Созмони Миллали Муттаҳид, иттиҳоми дахолати Теҳронро дар интихоботи раёсатҷумҳурии Амрико рад кард.

Ба гузориши радиои тоҷикии Садои Хуросон ба нақл аз ИРНА, Алиризо Мирюсуфӣ ройзани расонаӣ ва сухангӯи ҳайати намояндагии Эрон дар Созмони Миллал чаҳоршанбешаб дар посух ба иддаои Ҷон Ратклиф, мудири иттилооти миллии Амрико, ки Эрон ва Русияро ба талош барои дахолат дар интихоботи раёсатҷумҳурии Амрико муттаҳам кард гуфт: Бархилофи Вашингтон, Теҳрон дар интихоботи кишварҳои дигар дахолат намекунад ва алоқае низ ба дахолат дар интихоботи Амрико ва ҳеч тарҷеҳе барои натиҷаи он надорад.

Сухангӯи ҳайати намояндагии Эрон дар Созмони Миллали Муттаҳид таъкид кард, Амрико бояд ба иттиҳомоти бадхоҳона ва хатарноки худ зидди Эрон поён диҳад.

Нахустинбор нест, ки мақомҳои амрикоӣ кишварҳои дигарро ба дахолат дар интихоботи ин кишвар муттаҳам мекунанд ва ин иттиҳомзанӣ дар ҳоле аст, ки Доналд Трамп- раиси ҷумҳури Амрико борҳо муддаии тақаллуб дар интихоботи ин кишвар шудааст.

• Гузориши вижа: Талоши Трамп барои эъмоли нуфуз дар интихоботи раёсти Чумҳурии Америка

Интихоботи раёсатҷумҳурии Амрико сеюми ноябри 2020 баргузор хоҳад шуд.

Бештар бихонед:

• Пампео Эронро ба талош барои дахолат дар интихоботи Амрико мутаҳам кард

• Баҳроми Қосимӣ: Иддаои дахолати Эрон дар интихоботи Амрико навъе «таваҳҳуми ношинохта» аст

• Вокуниши Путин ба иттиҳоми дахолати Русия дар интихоботи Амрико