Ҳикояти талхе, ки ду ҳамсояи порсигӯро ба ҳам наздиктар кард + филм
-
Ибрози ҳамдардии мардуми Эрон дар пайи ҳодисаи донишгоҳи Кобул дар расонаҳои Афғонистон бозтоби бисёре дошт
Шаҳрвандон ва фарҳехтагони Афғонистон аз изҳори ҳамдардии густардаи эрониён пас аз ҳамлаи террористӣ ба Донишгоҳи Кобул қадрдонӣ карданд.
Ба гузориши радиои тоҷикии Садои Хуросон ба нақл аз ИРНА, ҳамдардии густардаи эрониҳо бо истифода аз ҳаштаг #ҷони_падар_куҷостӣ ? дар робита бо ҷонбохтагони инфиҷор ва ҳамлаи террористӣ ба донишгоҳи Кобул дар Афғонистони бозтоби густарда ёфт ва мавриди истиқболи гарми расонаҳо ва фазои маҷозии Эрон қарор гирифт.
Агентии Садои Афғонистон (AVA) дар хабаре таҳти унвони "Ташаккур, ҳамсоя" навиштааст: "Дар байни ҳама аксуламалҳо, чун ҳамеша, миллати дӯст, бародар, ҳамдин ва ҳамзабони мо Эрон роҳбариро ба ӯҳда гирифт ва бо мардуми мотамзадаи Афғонистон дар ин мусибати азим гирист ва ибрози ҳамдардӣ кардааст. Шаҳрдории Теҳрон бо насби плакатҳо дар паҳлӯи ибораи "Мо бо шумо ҳамсоя ҳастем, ҳамсоя" аз ҳаштаг "Ҷони падар куҷостӣ?" истифода кардааст. "
Ин хабаргузорӣ аз ҳузури мақомоти эронӣ аз ҷумла Сайид Аббос Ироқчӣ муовини вазири умури хориҷа ва Раиси Созмони энергетикии атомии Эрон Алиакбар Солеҳӣ низ дар сафорати Афғонистон дар Теҳрон хабар дод, ки дафтари ёдбуди қурбониёни ҳамла ба донишгоҳи Кобулро имзо карданд.
Хабаргузории Ҷумҳурии Афғонистон низ гузориш дод: "Ҷумҳурии Исломии Эрон бо ибрози ҳамдардӣ бо шуҳадои донишгоҳи Кобул, Бурҷи озодии Теҳронро ба ранги байрақи Афғонистон дароварданд."
Шеъри шоири маъруфи эронӣ Алиризо Қазвеҳ ва ҳамдардии ӯ бо мардум ва ҳукумати Афғонистон дар фазои маҷозӣ ва расонаҳои ин кишвар ба таври васеъ интишор ёфт.
Ба думболи он шоири шинохташудаи Афғонистон Қанбаралӣ Табеш низ шеъреро ба манзури қадрдонӣ аз эрониён ба ин муносибат эҷод кард ва онро дар фазои маҷозӣ мунташир кард.
Шуморае аз корбарони Фейсбук бо бознашри тасовири шаҳрдории Теҳрон аз ибрози ҳамдардӣ ва ғамшарикии мардуми Эрон қадрдонӣ карданд.
Султон Алӣ Раҳимӣ, коршиноси аршади сиёсӣ, дар ин бора Твиттер навишт: "Ҳукумат ва мардуми Эрон ҳамеша дар канори мардум ва ҳукумати Афғонистон буданд ва дар ҳамкорӣ бо мардуми мо дар мушкилтарин шароит ва рӯзҳо ҳамкориашонро дареғ надоштанд."
Моҷарои #ҷони_падар_куҷостӣ ? аз он ҷо шурӯъ шуд, ки ҳангоми ҳамлаи террористҳо ба донишгоҳи Кобул падар 142 бор ба телефони ҳамроҳи фарзандаш, ки донишҷӯи донишгоҳи Кобул буд, занг зада ва пас аз он ки посухе дарёфт накарда буд, дар паёмаке ба духтараш ки яке аз шаҳидони ҳодиса буд навишт, ки «"ҷони падар куҷостӣ?"
Бештар бихонед:
