Корона ҷони 119 нафари дигарро дар Эрон гирифт
-
Корона ҷони 119 нафари дигарро дар Эрон гирифт
Сухангӯи Вазорати беҳдошт, дармон ва омӯзиши пизишкии Эрон гуфт: бо фавти 119 бемори дигар аз мубталоёни қатъӣ ба корона дар 24 соати гузашта , шумори ҷонбохтагони ин беморӣ дар Эрон ба 54 ҳазору 693 нафар расид.
Сухангӯи Вазорати беҳдошт, дармон ва омӯзиши пизишкии Эрон Симо Содот Лорӣ рӯзи якшанбе бо эъломи охирин омори мубталоён ва ҷонбохтагони корона дар Эрон афзуд: Дар 24 соати гузашта бар асоси меъёрҳои қатъии ташхисӣ 5 ҳазору 500 бемори чадиди мубтало ба Ковид-19 дар кишвар шиносоӣ шуд, ки 530 нафар аз онҳо бистарӣ шуданд.
Симо Содот Лорӣ, сухангӯи Вазорати беҳдошт, дармон ва омӯзиши пизишкии Эрон бо баёни ин ки маҷмӯи беморони Ковид - 19 дар кишвар ба як миллиону 200 ҳазору 465 нафар расидааст, гуфт: Хушбахтона токунун 951 ҳазору 860 нафар аз беморон, беҳбуд ёфта ё аз бемористонҳо мураххас шудаанд."
Вируси корона омили бемории Ковид-19 аз авохири соли 2019 дар шаҳри Вуҳони Чин мушоҳида ва дар муддати кӯтоҳе дар ҳамаи ҷаҳон мунташир шуд, ба тавре, ки Созмони Беҳдошти Ҷаҳонӣ фаврияи 2020 барузи пандемияи ин бемориро таъйид кард.
Бемории Ковид-19 бар асоси омори расмии кишварҳо токунун беш аз 80 миллион нафарро дар дунё мубтало карда ва беш аз як миллиону 766 ҳазор нафар низ бар асари ин беморӣ ҷони худро аз даст додаанд.
Амрико бо беш аз нуздаҳ миллион мубтало ба вируси корона ва 339 ҳазор қурбонӣ, ҳамчунон бештарин теъдоди мубталоён ва ҷонбохтагон дар ҷаҳонро ба худ ихтисос додааст.
Афзоиши шуюи корона дар ҷаҳон ҳамчунон идома дорад, ки ба тозагӣ гунаи ҷадиде аз вируси корона дар Англия кашф шуда ва дар остонаи соли нави мелодӣ, кишварҳои саросари ҷаҳон дар ҳоли иттихози мамнӯъиятҳои марзӣ ва ҳавоии бештар бо Англия ҳастанд, ки метавонад мушкилоти ҷаддтареро ҳам барои ин кишвару ҳам соири кишварҳои ҷаҳон ба вуҷу биоварад.
Бештар бихонед:
