Ҷоми Ҷаҳонии Футзал. Тими миллии футзали Тоҷикистон ҳарифи Марокаш нашуд/ Эрон тӯфонӣ оғоз кард
Сентябр 17, 2024 10:43 Asia/Dushanbe
Тими миллии футзали Марокаш дар нахустин дидори худ дар Ҷоми Ҷаҳонии Футзал аз садди Тоҷикистон убур кард.
Дар яке аз дидорҳои гуруҳи “E” дар даври аввали рақобатҳои Ҷоми Ҷаҳонии Футзали 2024 дар Узбакистон, рӯзи душанбеи 16 сентябр, тимҳои миллии футзали Тоҷикистону Марокаш ба масофи ҳам рафтанд, ки ин бозӣ дар поён бо натиҷаи 4 бар 2 ба суди Марокаш хотима пайдо кард.
Дар дигар дидори ин гуруҳ ҳам тими миллии футзали Португалия, ки мудофеи унвони қаҳрамонии ин мусобиқот аст, ба масофи Панама рафт ва бо натиҷаи пурголи 10 бар як ба бартарӣ расид.
Аммо дар гуруҳи “F” тими миллии футзали Эрон ба масофи Венесуэла рафт ва бо натиҷаи 7 бар як ба бартарӣ расид ва дар дигар бозии ин гуруҳ Фаронса Гватемаларо бо натиҷаи 6 бар 3 мағлуб кард.