Мушовири амнияти миллии Покистон хитоб ба Толибон: Бидуни густариши равобити иқтисодӣ, сулҳ ва субот ба миён намеояд
Мушовири амнияти миллии Покистон бо мақомоти Толибон дидор кард .
Ба гузориши радиои тоҷикии Садои Хуросон, Инъомуллоҳ Самангонӣ-муовини сухангӯи Толибон бо нашри тветте ба нақл аз Муайид Юсуф навиштааст, ки бидуни амиқсозии равобити иқтисодӣ сулҳу субот ба миён намеояд.
Самангонӣ изҳор кард: Мушовири амнияти миллии Покистон гуфтааст он кишвар мутаъаҳҳид ба татбиқи пружаҳои бузурги минтақаӣ аст.
Самангонӣ афзуд : Ду тараф бар эҷоди ҳайатҳои тахассусии ду кишвар таъкид ва дар бораи роҳҳои густариши муносибот дар бахшҳои иқтисодӣ, бозаргонӣ, беҳдошт, маориф, маъданҳо ва фанноварӣ гуфтугӯ карданд .
Муовини сухангӯии Толибон афзуд : Дар ин дидор вазири саноъату тиҷорати ҳукумати Толибон бо намояндаи Покистон дар бораи осонсозӣ дар тараддуди мусофирону беморони афғонистонӣ дар марзҳои Турхаму Спин Булдак ройзанӣ кард .
Мушовири амнияти миллии Покистон дар сарварии як ҳайати баландпоя ба Кобул сафар кард.
