Дидори мақомоти Тоҷикистону Русия
-
Тоҷикон дар Русия боздошту мавриди бозҷӯӣ ва рафтори бераҳмона қарор гирифтанд
Мақомоти Тоҷикистон аз боздоштҳои дастаҷамъии шаҳрвандони ин кишвар дар қаламрави Русия ибрози нигаронӣ карданд.
Дар ин дидор нигаронии тарафи тоҷик дар мавриди иттилооти дарёфтӣ дар хусуси боздоштҳои дастаҷамъии шаҳрвандони Тоҷикистон дар хоки Русия ба баҳонаҳои мухталиф иброз ва бар лузуми вокуниши муштарак дар баробари мушкилоти муҳоҷиратии мавҷуд ва навзуҳур ва ҳамчунин аҳамияти анҷоми иқдомоти ҳамоҳанг барои тавсеаи тадобири муштараки эҳтимолӣ дар мавриди масоили муҳоҷиратӣ таъкид шуд.
Тайи ин дидор ҳамчунин ҳодисае, ки дар яке аз хобгоҳҳои донишгоҳи давлатии минтақаи Хабаровски Русия рух дод, ки дар ҷараёни он беш аз 100 донишҷӯи тоҷики ин донишгоҳ тавассути неруҳои муҷрии қонуни ин кишвари боздошту мавриди бозҷӯӣ ва рафтори бераҳмона қарор гирифтанд, ба тафсил баррасӣ шуд.
Таъкид шуд, ки чунин ҳаводис барои рӯҳияи шарокати роҳбурдӣ ва равобити ҳампаймонӣ байни Тоҷикистону Русия муносиб нест ва мумкин аст ба талошҳои ду тараф барои тавсеаи бештари ҳамкориҳо дар заминаи омӯзиш осеб бирасонад.
Ин дар ҳоле аст, ки ҳудуди 100 муҳоҷири тоҷик шомгоҳи 23 май дар пайи юришҳои полиси Русия ба қаҳвахонаҳои мутааллиқ ба тоҷикҳо боздошт шуданд.
