Тақвияти ҳамкории Тоҷикистон бо Маркази тиҷорати байналмилалӣ дар Женева

Тақвияти ҳамкории Тоҷикистон бо Маркази тиҷорати байналмилалӣ дар Женева мавриди баҳсу баррасӣ қарор гирифт.

Шараф Шерализода, намояндаи доими Ҷумҳурии Тоҷикистон дар Созмони Милал ва соири созмонҳои байналмилалӣ дар Женева, сафири фавқулода ва томулихтиёри Ҷумҳурии Тоҷикистон дар Конфедератсияи Швейтсария бо Памела Коук-Ҳамилтон, мудири иҷроии Маркази тиҷорати байналмилалӣ (ITC) дидору гуфтугӯ кард.

Дар ин дидор тарафайн дар мавриди тақвияти ҳамкории Тоҷикистон бо Маркази тиҷорати байналмилалӣ дар иҷрои пружаҳои ҷаҳонии нассоҷӣ ва пӯшок (GTEX)-и Осиёи Миёна, барои тархиси амалиёти содирот, воридот ва транзит, стратегияи тиҷорати электронӣ ва соири заминаҳои тавсеа баҳсу табодули назар карданд.