Парвозҳои чартерӣ ба Тоҷикистон ба ЮТэйр-и Русия вогузор шуд
-
Парвозҳои ЮТэйр дар масири Маскав ба Душанбе ва Сургут ба Хуҷанд анҷом хоҳад шуд
Ширкати ҳавопаймоии рӯсии ЮТэйр барои анҷоми парвозҳои чартерӣ ба Тоҷикистон иҷозатнома дарёфт кард.
Ба гузориши радиои тоҷикии Садои Хуросон ба нақл аз сомонаи Авеста, ин парвозҳо вобаста ба теъдоди мусофирон дар масири Маскав ба Душанбе ва Сургут ба Хуҷанд анҷом хоҳад шуд то шаҳрвандони Русия ва тоҷикҳои дорои шаҳрвандии русиро дар ин масирҳо ҷо ба ҷо кунад.
Аз суи дигар Созмони ҳавопаймоии кишварии Тоҷикистон эълом кард, ки афзун бар парвозҳои ширкати русӣ 112 парвози чартерӣ дар моҳи ноябр дар назар гирифта шудааст то коргарони муҳоҷири тоҷикро, ки дар паи шуюъи вируси корона кори худро дар Русия аз даст додаанд аз ин кишвар хориҷ кунад.
Ин парвозҳоро ширкати ҳавопаймоии Сомон Эйр анҷом хоҳад дод.
Вазорати умури хориҷаи Тоҷикистон эълом кардааст, ки тамомии шаҳрвандони ин кишвар, ки бо ин парвозҳо аз Русия ба Тоҷикистон бармегарданд бояд ба лиҳози ибтило ба корона гувоҳиномаи саломат дошта бошанд.
Ин гувоҳинома бояд чаҳор шабонарӯз қабл аз парвоз дарёфт шавад.
Бо ин ҳол кудакони зери се сол машмули ин муқаррарот намешаванд.
Бештар бихонед:
