Боз ҳам кумаки ройгони Бонки ҷаҳонӣ барои бахши беҳдошти Тоҷикистон

Бонки Ҷаҳонӣ барои тақвияти инфрасохтори соҳаи тандурустӣ ва дастгирии осебпазир дар Тоҷикистон 12,5 миллион доллар кумаки ройгон ҷудо мекунад.

Бино ба гузориши радиои тоҷикии Садои Хуросон, ба нақл аз сомонаи Азия плюс, Бонки Ҷаҳонӣ дар як изҳорот гуфт, ки ин миқдори кумаки ройгон илова ба ҳаҷми 8 миллиону 600 ҳазор доллар хоҳад буд, ки ин ниҳоди молии байналмилалӣ барои он харидории ваксинаи корона, ба манзури ваксинатсияи гурӯҳҳои ниёзманд ҳазина хоҳад шуд.

• 80 дарсади ҷамъияти Тоҷикистон алайҳи корона ваксинасия мешаванд

Аз ҳисоби кумаки молии ройгони 12 миллиону 500 ҳазор доллари Бонки ҷаҳонӣ хутути тавлиди оксиген дар 15 бемористони Тоҷикистон роҳандозӣ мешавад.

Ҳамчунин бахше аз ин кумаки молӣ барои 70 ҳазор хонаводаи осебпазир дар Тоҷикистон ҳазина хоҳад шуд.

Бо ин иқдом кумакҳои ройгони Бонки ҷаҳонӣ ба бахши беҳдошт ва дармони Тоҷикистон ба 21 доллар мерасад.

Дар маҷмӯъ мизони кумакҳои Бонки ҷаҳонӣ ба Тоҷикистон дар соли ҷорӣ барои ҳимоят аз бахши тандурусти кишвар 42 миллион долларро ташкил хоҳад кард.

Бештар бихонед:

• Бонки Ҷаҳонӣ ба Тоҷикистон барномаи ислоҳоти иқтисодӣ пешниҳод кард

• Эъломи замони ваксинатсияи умумии корона дар Тоҷикистон