Манъи мошинҳои боркаши Тоҷикистон дар Қирғизистон
Ширкатҳои нақлиётии Тоҷикистон аз манъи 57 мошини боркаши ин кишвар дар дохили қаламрави Қирғизистон хабар доданд.
Ба нақл аз сомонаи ахбори Осиёи Марказӣ, қаблан Дамира Юсуфова, сухангуи раёсати вилояти Ботканди Қирғизистон низ аз манъи мошинҳои боркаши ин кишвар дар дохили Тоҷикистон хабар дода буд, аммо мақомоти Душанбе ин иддаоро рад мекунанд.
Аммо мудирони ширкатҳои нақлиётии Тоҷикистон муътақиданд, ки ин маҳдудият пас аз даргирии хунини марзии рӯзҳои 28 ва 29 май имсол миёни марзбонону сокинони вилоятҳои Суғд ва Ботканд эҷод шудааст.
Обидҷон Мирзобеков, мудири ширкати нақлиётии Абумуслим мегӯяд: “Мо умдатан маҳсулоти тиҷории бозаргонони тоҷикро аз Русия ба Тоҷикистон мунтақил мекунем. Ронандагони мошинҳои боркаш ҳамагӣ атбои Қирғизистон мебошанд ва қарор буд, ин молҳо рӯзи 29 апрели гузашта вориди вилояти Суғд шавад, аммо сокинони вилояти Ботканд бо бастани роҳ намегузоранд ин мошинҳои боркаш вориди Тоҷикистон шаванд. Ҳоли онки ҳар рӯз манъи мошинҳои боркаш ҳазинаи изофӣ барои ширкат ва ронандагон дар пай хоҳад дошт”.
Аз сӯи дигар, мақомоти Вазорати нақлиёти Тоҷикистон гуфтаанд, ки пас аз ҳаводиси рӯзҳои 28 ва 29 апрел дар марзи Тоҷикистону Қирғизистон, масъулони гумруки Қирғизистон ба таври якҷониба ҳамаи 5 гузаргоҳи марзиро бастаанд.
Дар ҳоле, ки то ин моҷаро аз оғози имсол аз Қирғизистон ба Тоҷикистон 3 ҳазору 610 мошини боркаш ворид ва 3 ҳазору 614 мошин хориҷ шудааст.
Бештар бихонед:
-
Тавофуқи Тоҷикистон ва Қирғизистон барои сохти роҳи Ворух ба Хоҷа Аъло
-
Тоҷикистон ва Қирғизистон барои таъини марзии муштарак ба тавофуқ нарасиданд
-
Нигаронӣ аз боздошт ва озору азияти шаҳрвандони Тоҷикистон дар Қирғизистон