Тақдими устуворномаи сафири нави Туркия ба муовини вазири хориҷаи Тоҷикистон

Сафири нави Туркия дар Тоҷикистон устуворномаи худро ба муовини вазири умӯри хориҷаи ин кишвар тақдим кард .

Умут Аҷар-сафири нави Туркия дар Тоҷикистон дар маросиме устуворномаи худро ба Музаффар Ҳусайнзода-муовини вазири умӯри хориҷаи ин кишвар тақдим кард .

Дар ин дидор ду тараф дар мавриди вазъияти кунӯнӣ ва чашмандози тавсеаи равобити дуҷонибаи байни Тоҷикистону Туркия баҳсу табодули назар карданд .
Бар асоси гузориши дафтари матбӯотии Вазорати умӯри хориҷаи Тоҷикистон таи ин дидор ҳамчунин соири мавзӯъоти мавриди алоқаи ду тараф мавриди баҳсу баррасӣ қарор гирифт .
Муовини вазири умӯри хориҷаи Тоҷикистон зимни табрики интисоби сафири нави Туркия ба ин симат барои вай дар анҷоми маъмурияти дипломатӣ дар ин кишвар орзӯи муваффақият кард .

Сафири Туркия мутаваллиди соли 1974 дар шаҳри Унияи Туркия  аст ва дар солҳои мухталиф ба унвони муовини идораи кулли таблиғоти хориҷ аз кишвари Вазорати умӯри хориҷаи Туркия, муншии сеюми сафорат дар шаҳри София, муовини консул дар сарконсулгарии ин кишвар дар шаҳри  Франкфурт,мушовири намояндаи доими Туркия дар Шӯрои Аврупо ва консули ин кишвар дар Чикагои Амрико фаъолият кардааст .
Вай аз аввали феврали соли ҷорӣ ба унвони сафири ҷадиди Туркия дар Тоҷикистон таъйин шудааст .
Сафири Туркия дар Душанбе ҳуҷҷати коршиносии худро дар донишкадаи улӯми иқтисодӣ ва идории Донишгоҳи « Ғозӣ » дар Анқара дарёфт кардааст.
Вай мусаллат ба забони англисӣ аст.