Эъломи омодагии Қатар барои ҷанг бо Арабистон
Яке аз аъзои хонадони ҳокими Қатар эълом кардааст, ки кишвараш дар баробари кишварҳои таҳримкунандаи арабӣ омодаи ҷанг аст.
Ба гузориши хабаргузории “Меҳр”, халифа Бин Ҳамад оли Сони, бародари амири Қатр дар ҳисоби корбарии худ дар Твиттер, хитоб ба чаҳор кишвари таҳримкунандаи арабӣ, бавижа Арабистони Саудӣ эълом кард, ки Доҳа ба дунболи ҷанг нест, аммо дар сурати лузум, омодагии ин корро дорад.
Халифа бин Ҳамад оли Сони афзуд: “Мо ҷангталаб нестем, аммо агар кишваре дар андешаи таҷовуз ба Қатар биафтад, бо тамоми тавон аз кишвар ва амирамон дифоъ хоҳем кард”.
Чанд кишвари арабӣ, шомили Иморот, Баҳрайн ва Мис ба саркардагии Арабистони Саудӣ аз ду соли пеш ҳамаи равобити сиёсӣ ва иқтисодии худро бо Қатар ба баҳонаи ҳимоят аз терроризм қатъ кардаанд.
Аз он замон буҳрони дипломатӣ дар равобити кишварҳои арабии ҳошияи халиҷи Форс ба тазъифи Шӯрои ҳамкории халиҷи Форс мунҷар шудааст ва бо вуҷуди он ки Қатар ин иттиҳомотро рад мекунад, аммо равобити Доҳа ва кишварҳои арабии муҳосиракунанда ҳамчунон буҳронӣ ва пуртаниш аст.
