Идомаи таҳримҳои Амрико алайҳи Русия
-
\"Таҳримҳои Амрико натавонистааст санъати дифоии Русияро тазъиф кунад\"
Вазорати хазонадории Амрико аз таҳрими беш аз 500 фарду ниҳоди дигари Русия хабар дод.
Ба гузориши хабаргузории Фаронса, Вазорати хазонадории Амрико бомдоди ҷумъа бо эъломи таҳрими беш аз 500 фарду ниҳоди Русия муддаӣ шуд, ин таҳримҳо Русия, ҳомиёну мошини ҷангии ин кишварро ҳадаф қарор медиҳанд.
Дар ҳамин ҳол, Виктория Нуланд, муовини вазири хориҷаи Амрико эътироф кард, таҳримҳои ин кишвар натавонистааст санъати дифоии Русияро тазъиф кунад.
Владимир Путин, раиси ҷумҳурии Русия 21 феврали 2022 бо интиқод аз бетаваҷҷӯҳии Ғарб ба нигарониҳои амниятии Маскав, истиқлоли ду минтақаи Донетск ва Луганскро дар минтақаи Донбас ба расмияти шинохт.
Се рӯз пас аз он, панҷшанбеи 24 феврал низ амалиёте низомӣ, ки онро «амалиёти вижа» хонд, алайҳи Украина оғоз кард ва ба ин тартиб равобити пуртаниши Маскав - Киев ба рӯёрӯии низомӣ табдил шуд.
