Захарова: Тамоми дунё фаҳмидааст музокира ба сабки ғарбиҳо чӣ маъно медиҳад

Порс Тудей - Сухангӯи Вазорати умури хориҷаи Русия дар канали телеграмии худ навишт: Тамоми дунё фаҳмидааст музокира ба сабки ғарбиҳо чӣ маъно медиҳад.

Ба гузориши Порс Тудей ба нақл аз Ирна, Мария Захарова, сухангӯи Вазорати умури хориҷаи Русия дар вокуниш ба изҳороти Марко Рубио, вазири умури хориҷаи Амрико таъкид кард, ки кишварҳои ғарбӣ аз муттаҳам кардани тарафи муқобил ба надоштани тамоюл ба гуфтугӯ ҳамчун абзори омодасозии шароити ҷангӣ истифода мекунанд.

Вай дар канали телеграмии худ дар ҳамин иртибот навишт: Акнун тамоми дунё фаҳмидааст музокира ба сабки ғарбиҳо чӣ маъно медиҳад.

Захарова тасреҳ кард, ки кишварҳои ғарбӣ пештар дар қиболи Русия ва дар иртибот бо тавофуқномаи Минск низ ҳамин рӯйкардро дар пеш гирифта буданд, ки дар ниҳоят мунҷар ба ҷанги Украина шуд.

Дар ҳоле ки Эрон ҳамвора омодаи музокира буда ва Амрико бо пушт кардан ба асли гуфтугӯ ба хоки Эрон таҷовуз кардааст, вазири хориҷаи Амрико муддаӣ шуд, ки Вашингтон аз музокира бо Эрон истиқбол мекунад, аммо ин Эрон аст, ки дар музокирот ҷиддӣ нест.

Ин изҳорот дар ҳоле матраҳ мешавад, ки Ситоди фармондеҳии террористии марказии Амрико (Сентком) сешанбешаб дар баёнияе поёни ёздаҳумин шаби мутаволии ҳамлаҳо ба Эронро эълон кард. Амрико бо нақзи тааҳҳудоти худ дар тафоҳумномаи Исломобод барои поёни ҷанг, таҷовузи низомӣ алайҳи Эронро аз сар гирифтааст.