Кӯршабпарак маншаи вируси тоҷдор эълом шуд
Муассисаи вирусшиносии Вуҳани Чин, ки конуни шуюи вируси нави тоҷдор аст эълом кард тартиби гени ин вирус 96 дарсад ҳамонанди вируси кӯршабпарак аст.
Ба нақл аз ИРНО, Жонг Нашин гуфт, ки маншаи коронавирус монанд ба вирусе аст, ки се соп пеш дар кӯршабпаракҳо пайдо шуд.
Вай афзуд, монанди бемории SARS мумкин аст коронавирус аз тариқи ҳайвоноти ваҳшии дигар ба инсон интиқол ёфта бошад ва барои таини ин масъала озмоишҳое рӯи тайфе аз ҳайвоноти ваҳшӣ дар ҳоли анҷом аст.
Мақомоти Чин мегӯянд то кунун 170 тан пас аз ибтило ба вируси тоҷдор ҷони худро аз даст додаанд ва шумори ашхосе, ки ибтилои онҳо ба ин беморӣ дар ин кишвар таид шуда аз 7 ҳазору 700 нафар фаротар рафтааст.
Пеш аз ин низ эълом шуда буд, ки коронавирус охирҳои соли гузашта милодӣ аз бозори ғизоҳои дарёӣ дар шаҳри Вуҳан сарчашма гирифтааст, ки дар ин бозорҳо ба таври ғайриқонунӣ ҳайвоноти ваҳшӣ фурухта мешуд.
Ин вирус давраи наҳуфтаи нисбатан тӯлонӣ аз чанд рӯз то ду ҳафта дорад ва ҳамин боис шудааст, то замоне, ки алоиме чун табларза ва тангии нафас дар мубталоён буруз накунад аз он огоҳӣ наёбанд ва зарурате барои рафтан ба бемористон набинанд.
Нишонаҳои ибтило ба ин вирус дар инсон табларза, сулфа ва тангии нафас аст.
Комиссияи беҳдошти миллӣ ва Вазорати молии Чин 60 миллиард юан (8.74 миллиард доллар) барои муқобила бо коронавирус ихтисос доданд.
