Русия: Арманистонро дар масъалаи Қарабоғ фиреб надодаем

Сухангуи вазорати умури хориҷаи Русия таъкид кард, ин кишвар дар масъалаи Қарабоғ, Арманистонро фиреб надодааст.

Ба гузориши ИРНА, Мария Захарова, рӯзи ҷумъа дар нишасти хабарии ҳафтагиаш дар мавриди тарҳи ахборе мабнӣ бар инки Русия, Арманистонро дар масъалаи Қарабоғ фиреб додааст, гуфт: “Маскав ҳамаи талошҳои мумкин, аз ҷумла роҳҳои дипломотӣ барои ҳалли ин масъаларо ба кор баста ва сулҳбононро ба минтақаи муноқиша эъзом кардааст”.

Захарова афзуд, Русия бо эъзоми сулҳбонон ба минтақаи Қарабоғ нишон дод то чӣ ҳад ба сарнавишти минтақа тавваҷӯҳ мекунад.

• 30 сол муноқишаи Қарабоғ ингуна поён ёфт+филм

Сухангуи вазорати умури хориҷаи Русия ҳамчунин гуфт, бо иқдомоти Маскав дар масъалаи Қарабоғ, амнияти минтақа ва ду кишвари Арманистон ва ҷумҳурии Озарбойҷон ва ояндаи онҳо тазмин мешавад.

Захарова афзуд, мақомҳои Русия бар ин боваранд, ки масъалаи ҳузури муздурони хориҷӣ дар минтақаи Қарабоғ бо мушорикати тарафҳо ҳалу фасл хоҳад шуд.

Оташбаси ҷадид дар минтақаи Қарабоғ аз бомдоди сешанбе (10 ноябр) ба вақти Маскав иҷро шуда ва бар асоси тавофуқе мабнӣ бар поёни ишғоли манотиқи таҳти тасарруфи Арманистон, ҷанги 30 сола миёни ду кишвар поён ёфтааст.

Даргириҳо байни ҷумҳурии Озарбойҷону Арманистон дар минтақаи Қарабоғ аз бомдоди якшанбе (27 сентябр) аз сар гирифта ва боиси кушта шудани шуморе аз тарафайн шуд.

БЕШТАР БИХОНЕД:

• Ҳушдори Русия дар бораи эъзоми муздурони хориҷӣ ба минтақаи Қарабоғ  
• Песков: Русия худро ба амнияти Арманистон мутааҳҳид медонад
• Ҷашну шодӣ дар ҷумҳурии Озарбойҷон, даргирӣ ва даъво дар Арманистон+филм‌ҳо