Як мақоми аршади пулиси Тоҷикистон дар вилояти Суғд ба иттиҳоми ришвахорӣ боздошт шуд.

Сарбози постгоҳи марзбонии ноҳияи Шуғнон дар марзи муштараки Тоҷикистон ва Афғонистон дар вилояти Бадахшон, ки муттаҳам ба қатли Муносиб Олимбеков, афсари 21-солаи ин нерӯ аст, боздошт шуд.

Дафтари намояндагии Иттиҳоди Аврупо ва сафоратҳои Олмон, Амрико, Фаронса ва Англия дар Тоҷикистон аз идома ёфтани баста шудани сомонаҳои хабарӣ ва шабакаҳои иҷтимоӣ дар ин кишвар ибрози нигаронӣ карданд.

Дар митинги тарафдорони оппозитсия дар Берлин аз ҳукумати Тоҷикистон талаб кардаанд, ки маҳбусони сиёсӣ, аз ҷумла Зайд Саидов, Бузургмеҳр Ёров, Маҳмадалӣ Ҳаит, Маҳмадрӯзӣ Искандаров, Мақсуд Иброҳимов ва дигар роҳбарони ҲНИТ ва "Гуруҳи 24”-ро аз зиндон озод кунанд.

Баррасии рӯйдодҳои муҳмми иқтисоди Тоҷикистон

Як намояндаи маҷлиси қонунгузории Тоҷикистон мамнуъияти воридоти дору аз сӯи бахши хусусӣ ва вогузории ин ихтиёрот ба ниҳодҳои ҳукуматиро хостор шуд.

Беш аз 92 ҳазор гардишгари рус барои дидани ҷозибаҳои гардишгарии Тоҷикистон аз ибтидои имсол ба ин кишвар сафар кардаанд, ки дар муқоиса бо давраи мушобеҳи соли қабл як дарсад афзоиш нишон медиҳад.

Мудири Сандуқи рушди энержӣ дар Русия мӯътақид аст, ки Покистон метавонад дар фасли зимистон бо истифода аз тарҳи хатти КАСА 1000 ба Тоҷикистон барқ содир кунад.

Намояндагони шӯрои шаҳри Душанбе дар нишасти рӯзи 18 декабри худ мавзӯи зарурати тавсиаи қаламрави пойтахти Тоҷикистонро мавриди баррасӣ қарор хоҳанд дод.

Беш аз 362 ҳазор тон анвои маҳсулоти нафтӣ дар 9 моҳи соли ҷорӣ ба арзиши 252 миллиону 800 ҳазор доллар ба Тоҷикистон ворид шудааст.

Қочоқи инсон дар Тоҷикистон, ки пас аз истиқлоли ин кишвар падид омадааст, дастикам дар ба доми ғафлат андохтани занон ва ҷавонони тоҷикистонӣ ва фиристодани онон ба хориҷ ба баҳонаи ёфтани кор ва ширкат дар ҷангҳои Сурия, Ироқ ва Афғонистон худро нишон додааст.

Мудири дафтари намояндагии ширкати “Газпром” – и Русия дар Тоҷикистон вуҷуди захоири саршори нафту газро дар ин кишвар рад кард.

Маҷлиси намояндагони Тоҷикистон тарҳи қонуни наверо ироа додааст, ки бар асоси он волидайне, ки фарзандонашон дар марказҳои омӯзишии кишварҳои исломӣ ба сурати ғайриқонунӣ таҳсили улуми динӣ мекунанд, муҷозот мешаванд.

Мудири шуъбаи умури динӣ ва танзими анъанот ва ҷашну маросим дар ниҳоди раёсати Ҷумҳурии Тоҷикистон аз фаъолияти комиссияҳои назорат бар иҷрои ин қонун интиқод кардааст.

Изҳори нигаронии Бонк Ҷаҳонӣ ва созмонҳои ҳомии "танзими хонавода" аз афзоиши ҷамъият дар Тоҷикистон дар ҳоле аст, ки дар ҷаҳон таблиғоти расонаии густурдае барои коҳиши ҷамъият идома дорад. Аммо коҳиши ҷамъият низ дар баробари афзоиши ҷамъият, паёмадҳои нигаронкунандаеро дар пай дорад, ки ҳомиёни коҳиши ҷамъият онро нодида мегиранд. Дар ҳоле, ки танзими хонавода набояд мӯҷиби коҳиши ҷамъият, балкӣ ҳадафаш танзими ҷамъият бо назардошти рушди иқтисодӣ ва иҷтимоии ҳар кишвар бошад.

Бо кумаки Бонки тавсеаи исломӣ, апрели соли оянда аввалин бонки исломӣ дар Тоҷикистон ифтитоҳ мешавад.

Вазорати кишоварзии Тоҷикистон аз бардошти 323 ҳазор тонна пахта аз мазрааҳои ин кишвар хабар дод, ки баробар бо 90 дарсад аз барномаи бардошти ин маҳсул дар соли ҷорӣ аст.  

Барои муносибати номатлуб нисбати беморон табибон метавонанд 8 солро пушти панҷара паси сар кунанд.

Ҳукумати Тоҷикистон ҳамзамон бо идомаи сохти нерӯгоҳи “Роғун”, музокиротеро бо ниҳодҳои молии байналмилалӣ барои ҷазби кумаки молии ин муассисот ба манзури бозсозии таҷҳизоти дигар нерӯгоҳҳои ин кишвар оғоз кардааст.

Намояндаи Бонки Рушди Осиё дар Тоҷикистон эълом кард, ки ба далели боло будани хатарҳои иборат аз буҳрони қарзҳои хориҷӣ, ба Тоҷикистон кумаки бебозгашт ироа хоҳад кард.