ABŞ-da, Ysraýylyň Hüjümlerine Garşy Protest Ýörişi Geçirilmegi
Amerikada Protestçylar, Gazadaky hüjümleriň we Palestinadaky basyp alyşlygyň gyssagly bes edilmegini isledi.
ABŞ-nyň Nýu-Ýork şäherinde müňlerçe adam, “gyrgynçylyk” edendigi sebäpli Halkara Adalat diwanynda iş gozgalan Ysraýylyň Gaza Sektorynyň günortasyndaky Refah şäherine guran hüjümlerine garşy protest ýörişini geçirdi.
“Ömrümiz içinde” atly jemgyýetçilik guramasy tarapyndan “Refah üçin Manhettene geliň” çagyryşyna laýyklykda Nýu-Ýorkdaky Union meýdanynda protest ýörişi geçirildi.
Palestinanyň baýdaklaryny göteren protestçylar, Ysraýylyň Gaza guraýan hüjümlerini ýazgarýan şygarlar aýdyp, Gazadaky hüjümleriň we Palestinadaky basyp alyşlygyň gyssagly bes edilmegini isledi.
Gaza guraýan hüjümlerinde on müňlerçe palestinalyny şehit eden Ysraýyl, sebitiň demirgazygyndaky we merkezindäki ilatyň esasy bölegini Müsür serhedinde ýerleşýän Refah şäherine gitmäge mejbur edipdi.
Ysraýyl, hüjümler sebäpli demirgazykdaky howpsuz zolak hökmünde yglan eden şäherini indi basyp almak we halky şol ýerden çykarmak isleýär.
Refah şäherinde 1 million 400 müň adamyň ýaşaýandygy nygtalýar.
Halkara jemgyýetçiligi Refaha guraljak giň gerimli hüjümiň uly pajyga sebäp bolup biljekdigi sebäpli Ysraýyla duýduryş berýär. Palestinanyň Gazadaky Saglygy goraýyş ministrliginiň metbugat geňeşçisi Eşref Al-gadre Ysraýylyň Gaza zolagyna garşy eýýäm 130 gün bäri dowam etdirýän hüjümleri barada maglumat berdi.
Eşref Al-gadre Ysraýyl režimiň harby güýçleriniň soňky 24 sagatda Gaza zolagyna guran hüjümlerinde ýene-de 133 adamy öldürendigini, 162 adamy hem ýaralandygyny habar berdi.
Gazada şehit bolan palestinalylaryň sanynyň 28 müň 473 adama, ýaralanan palestinalylaryň sanynyň 68 müň 146 adama ýetendigini aýdan Kudra, häzirki wagtda hem harabalyklaryň aşagynda we ýoluň gyralarynda ýogalan adamlaryň bardygyny, emma Ysraýylyň harby güýçleriniň şol adamlary saglygy goraýyş işgärleri we raýat goranyş toparlary tarapyndan ýygnamagyna päsgel berýändigini aýan etdi.
Beýleki tarapdan Saglygy goraýyş çeşmeleri Gazanyň orta zolagyndaky Nuseýrat bosgun düşelgesiniň harby uçarlar bilen nyşana alynandygyny, hüjümde 5 adamyň pida bolandygy we ýaralanan adamlaryň bardygyny habar berdi.
Gazanyň günortasyndaky Refah şäheriniň Al-Berazil etrapçasynda guralan howa hüjüminde bolsa 1 çaga şehit boldy, 4 adam hem ýaralandy.
Han Ýunus şäheriniň gündogar we günbatar sebitlerine hem artilleriýa bilen hüjümler guraldy.
Beýleki tarapdan Han Ýunus şäherinde ýerleşýän Nasyr hassahanasynda elektrik toklar dolulygyna kesildi.
Mundan başgada Gaza zolagynyň merkezindäki Al-Megazi bosgun düşelgesiniň hem bombalanandygy, ol ýerde hem ýaralanan adamlaryň bardygy mälim edildi.