Bə Taleh Bağırzadə əleyh tojə cinayətə ko bino karde pidəşone

Bə Mısılmonon İbemonə Hərəkati sədr, dini məhbus Taleh Bağırzadə əleyh tojə cinayətə ko bino kardəşone. Ey de Cinayətə Məcəllə 317-minə maddə 2 -minə bəndi, yəni zindonxonədə ğədəğən bıə əşyaon novnie ittiham kardedən.

Bı barədə bə "Azadlıq.info" çe Taleh nezə odəmon məlumat doəşone. Votəşone ki, zindonxonədə quya çey səpe bıriə - tijə əşya peydo kardəşone, ki, ımən qıley bıhtone. Taleh Bağırzadə hələ bə Ğobustani sərpuşə zindonxonə ovoştıniədə beyku dini məzmuninə fleş-karton peydo kardəşonbe. Ekspertiza bı kartonədə  ğeyri-ğanuniə məzmun bə oşko bekardəş nıbe. Bağırzadə deştə xeyzoni telefonə qəpədə votəşe ki, ımən bə çey əleyh qıley bıhtone, islamə həmrayəti sori əvvələdə de şər maddə məhkum kardışone, islamə həmrayəti sori orəxədə ıştə sərməndə xosyəti hələən dəvom kardedən. Çey vəkil Cavad Cavadlıən ehandəşe ki, bı rujonədə de Taleh vindemon bəkarde, har çi dəğiğ obəmute. Qımon heste ki, bey ım ittiham hələ rəsmən elan kardəşon ni.

Diqər dini məhbus Hacı Abqul Suleymanoviən bəştə azadiədə bıə həmməsləkon qıley məktub vığandəşe. Nıvıştəşe ki, "ım ruj çe hokuməti terror və zulmi vədə hələən durum vardə çand nəfər şiə dəvətçionmon heste.  Əvon ıştə azadi və ədalətiə tələbonku dast nıkəşışone. De əzmi bəştə roy dəvom kardışone, çe xalqisən bə nav dəqınin, ıçtə votə sıxanon deştə əməli təsdığ kardışone. Səlom bıbo bənə Mevsumi, bənə Talehi, bənə Zulfiğari mubarizə insonon ki, çe ıştə həxi royku qardedənin .