Azərbaycan Respublika ijən Fələstini millətış himoyədorətiş kardə.
Bə Fələstinıjon iyən Fələstin sərzəmini mığəddəs hədəfon mudafiə kardero Azərbaycan Respublika prezident bə ım kişvəri himoyəon dəvom təkid kardə.
Bokuədə bıə ruji umuj nıqinə təşkilati xarıci vəziron iclosi kənoədə İlham Əliyev de Fələstin mustəğil dıvləti xarıci vəzir Riyaz Əlmaleki vindemon karde və votışe: Azərbaycan Respublika hejo Fələstinə milləti kənoədəy.
Əliyev Tırkiyə İstanbulədə bə Ğudsi aid bıə dəvardə yanvarə manqi iclos işorəş kardə və votışe: ım iclosədə iştirok əkəyon de Fələstin milləti vəhdəti ijən elan kardən və Amerkə ğəroli barədə Ğudsi bənə siyonist rejimi paytəxt elan karde məhkum kardeşone.
Im vindemonədə Fələstin işğaliyə sərzəmin iyən şərifə Ğudsi oxonə vəziyəti barədə sohbət be.
Fələstin məzlumə millət dəvardə cumə rujiku(Marti 30) de "Zəmin" ruji həmzəman oqarde həx nomo bıə sulhin etirazon bino kardən ki Ğəzzə tanqədə siyoniston sərost qullə ğande nəticəku detosə bə ısət Fələstinıjonku 31 nəfər şəhid və 3000 həzo nəfəriku vey zəxmin bıən.
Ğeyd kəmon çı Bokuədə bıə umuj nıqeniyə təşkilati omə iclosi mıvzobə zumandə inkişofi rəseyro beynəl xalğ sahədə sulh və əmniyyəti rəvoc doe ğeyd bıə ki Aprili 5 və 6 bərpo bəbe.
Azərbaycan Respublika miladi 2011-nə soriku bə ım təşkilat izofə be və omə sorədə ım itifaği dıvrəiyə rəis bəbe.
