Pars Today

İslomiyə inğilobi yolə rəhbəri mığəddəsə mudafiə və mığaviməti sıpi rişon və fəalon vindımonədə təkidış karde Fələstinı mığavimət cəhbə və livani hizbullah meydoni səbarzonku hestin.

İslomiyə inğilobi yolə rəhbəri mığəddəsə mudafiə və mığaviməti sıpi rişon və fəalon vindımonədə təkidış karde Fələstinı mığavimət cəhbə və livani hizbullah meydoni səbarzonku hestin.

Bə yolə rəhbəri dəftərxonə məlumat ərosnə mərkəzi eloni əsosi Həzrət Ayətullah Xameneyi ımruj sıb mığəddəsə mudafiə və mığavimətı sıpirişon və fəalonku çandə həzo nəfəri vindımonədə bə məntəğə ısətnə şərayet iyən səhyoniyə rejimi Ğəzzə və livanədə  cinayəton eyne holədə fələstinədə mığavimət cəhbə ğıvvon və livanədə hizbullah mucahidətış, mığəddəsə mudafiə devranədə Xıdo roədə cihad karde hərəkətonkuş zınə və təkidış karde , sionistə təcavuzkarə rejimi cinayəton və telə hadisəon kənoədə ki Ğəzzə, İordan ru ğərbiyə sahil və livanədə mışohidə bə tosə ısət səbarz bıə tərəf Xıdo roədə cihad əkə bə.

 Və de Xıdo koməkəti ım səhnəon nəhaiyə səbarz bə tərəf mığavimətı cəhbə və livani hizbullah bəbe.

İslomi inğilobi yolə rəhbəri Fələstin və livani ısətnə hadisəş mığəddəsə mudafiə devran və  Xıdo roədə cihad karde cinsış zınə və votışe: qıləy islomiyə məmləkət yəni Fələstin, aləmi həmməysə xəbisə kofiri dastədə ğəsb bə və ğətei iyən şəriyə hıkm ıme ki həmmə cəhd bıkən Fələstin və Məsciduləğsa bə çəy əsosə xıvandon dast oqırdınon.

Həzrət Ayətullah Xamenei əlovəş karde Livani Hizbullah ki Ğəzzə xoto ıştə sinəşon sipər kardə və telə hadisəon mərəzədə ğəror qətedən Xıdo roədə cihad karde holədə hestin.

Yolə rəhbəri bə ım canqi coqlə cəhət ki bə 8 sor canqi mandeku zınəşe işarəş karde və votışe: ım canqədə kofir və xəbisə deşmen həmməysə veyə təchizatış hest bı və Amerkə çəy peştədə ğərorış qətə be və amerkəvıjon idda ki sioniston hərəkətonku xəbəşon ni və mudaxilə kardedə nin həğiğətiku bə kənoy.

İslomi inğilobi yolə rəhbəri deşmenə  sionisti  pul, siloh və beynəlxalğə təbliğatonku bəhrə bardeku işarəş karde və votışe: mumin və mucahidə tərəfi təchizaton və imkanon vədə bıə tərəfi mığayisədə ve kame əmmo səbarz bıə tərəf Xıdo roədə cihad əkə tərəf yəni Fələstinı mığavimət və livani hizbullah heste.

Həzrət Ayətullah Xamenei mığavimətı cəhbə səbarz be dəlilış səhyoniyə rejimi cinayətkarə hərəkətonku hevojə səviyədə  be qınoə jenon və hırdənon və məktəbon iyən noxəşxonəon bombardımon karde xotoş zınə və əlovəş karde əqər sionist rejim zınəş bəbi mubarizə əkə ğıvvon Ğəzzə iyən İordan ru ğərbiyə sahilədə və çı livanədə məğlub karde  ıştə ğələbə və səbarzəti reklam kardeyu ım faciəvinə şikilədə bə  cinayəton ehtiyoci nəbi.

İslomiyə inğilobi yolə rəhbəri eyne holədə bə ironi zid təşkil bə canqi bino be dəlilon bəyonədə bə 2 qılə dəlil, tojə sıxan  iyən dınyoədə fəsotdə bıə nizomon iyən botilə hakimon vədə ,islomiyə respublika cazibəonku işarəş karde və votışe mığəddəsə mudafiə  vətəniku erjinə mudafiəku əlovə, diniku mudafiə karde və Xıdo roədə cihad bə ki islomış bəji və ironi millətış əziz və mənəviyə ruhış məmləkətədə tərvicış kardə.

Həzrət Ayətullah Xamenei həşi 1359 nə sori bə ironi milləti zid canqi bino be dəlilon oşko kardeyu votışe: bə ironi  marzon hucum barde niyyət xususi Sədam və bəıs partiya tərəfo nıbı bəlkə beynəlxalğə nəzmi yolon ə ruzqarədə yəni Amerkə və Səvet hukumət və çəvon roədə bıə kəson həm hucum bardeyu veyə niyyətışon hest bı.

Yolə rəhbəri de ironi nımonəvi iyən milləti tərəfo təşkil bə inğilobədə  yolə ğıvvon deşmenəti karde dəlilış, tojə fiki vədə tov nıvarde iyən ım inğilobi mesajiku iborətış zınə və əlovəş karde çəvon deşmenəti karde dəlil ım be ki islomiyə inğilob qıləy oşkoə fəryod bə botilə nəzm iyən dınyoədə bə sultəqərə nizomi zid yəni  dınyo bə sultəqər və sultə ğəbul əkə zid  be iyən sultəqəron de zu ıştə mədəniyyəti və nəzə bə sayirə məmləkəton qi noeədə mıxalifət bə.

İslomiyə inğilobi yolə rəhbəri təkidış karde ımruj de İroni milləti mığavimət və huzuri bərəkət mıxtəlif sahonədə bə İroni marzon hucum barde curət ni və əlovəş karde əvon ımruj de coqlə şikil mıziyə hərəkəton və inadkarəti kardedən və bəpe ve nığıl dərk bıkəmon ki deşmenətion dəlil bəhonəoni bənə atom enrji, insonə həxon, jenon həxon nin bəlkə əvon de islomiyə respublika tojə sıxani dınyoədə fəsotinə nəzmi vədə mıxalifət kardedən və tosə vaxti ki millət və islomi  nizom çəvon zuə qəpi ğəbul nıkən ım mıxalifəton miyono əşı ni, ki əlbətdə zuə qəpi həm ğəbul əkə nimon.

Yolə rəhbəri islomiyə nizomi siyasiyə cazibəonku yəni beynəlxalğə səviyədə səhvə nizomon vədə mandeku əlovə, əçəy mənəviyə cəzbinə mevzoş yəni ilahiyə imonış həm dınyo milləton və məmləkəton cıvonon cəzb kardeyu iyən sultəqəron bə dəhşət eqıneyu təsirinış zınə.