Tehronədə Hind okeyani məntəğə kişvəron dıyo ğıvvon fərmondəon iclos; ım iclosi rəisəti bə İron doə bəy.
Hind okeyan məntəğə kişvəron dıyo ğıvvon fərmondəon iclos(AONS) ımruj sıb de 35 qılə kişvəronku ali rutbə hərbiyə heyəton iştiroki Tehronədə bino be.
Bə İrna raporti əsos həminə iclosiku hədəf ım dıyo saheliyə kişvəron miyono əloğəon inkişof iyən məntəğə və hamsuyə kişvəron zərfiyətonku istifodə karde xususi dıyoədə əmniyyəti bərğəror karde ğeyd bıə.
Imrujnə iclosi cərəyonədə həminə təşkilati rəisəti Banqladeşiku bə İron doe bıə.
Banqladeş miladi 2016 detosə 2018-nə sori ım təşkilati dorəiyə rəis be.
Hınd Okiyani məntəğə kişvəron dıyo ğıvvon fərmondəon iclosədə 23 qılə kişvər daemiyə ozoyn iyən 9 qılə kişvər həm bənə nazir ozotişon heste.
Im iclos ki detosə bə ısət 5 dıvrə çəyku muxtəlifə kişvəronədə bərpo bıə çı İroni ərtış ğıvvon ixtiyori çərçivədə vey yolə hərbi iclose ki İroni tarixədə bo 2 sori mıddət çı rəisəti ğeyd bıə.
İron, Almaniya, Tırkiyə, Fransə, Yaponiya, Azərbaycan Respublika, Hindıstan və İrağ ım təşkilatdə əcumlə bəzi ozv bıə kişvəronin.
