Ermənistoni ğıvvon bəpe Ğərəboğiku xaric bıbun.
Azərbaycan Respublika xarıci vəzarətxonə ijən bə Ğərəboğiku Ermənistoni hərbion xaric bey təkidış karde.
Bə Bokuku rəse xəbəon əsos, Azərbaycan Respublika xarıci vəzarətxonə ıştə tojə bəyoniyədə təkidış karde ki fəğət de Ğərəboğ məntəğəku Ermənion xaric bey iyən avarəon bəştə ərazi oqarde sulh muzakirəon əməli bəbe.
Ermənistoni i minə vəzir Nikol Paşaniyan tojədən Azərbaycan Respublikaku pidəş be ki Ğərəboğədə sulhi bərpo bey zəminə hozzo bıkə.
Azərbaycan Respublika xarıci vəzarətxonə ıştə zinə bəyoniyədə ijən təkidış karde ki Erməniston bəpe çı Boku dıvləti ım şərton ğəbul bıkə.
Ğərəboği məntəğə barədə Erməniston iyən Azərbaycan Respublika miyono konfilikt 1988-nə sorədə bino bıə iyən 1992-nə sorədə bənə hərbiyə dave əvəz be.
Otəş basti bə peştə hələ həm Avropa həmkari və əmniyyət təşkilati vositəçiyə qurup-Minsk-qrupi məsələn səy-cəhdon Ğərəboği konfilikti həl karde bois bə ni.
