Azərbaycan Respublika islam partiya muavin bə 4 manq həbs məhkum be; Boku hukuməti anti şiə hərəkəton dəvom kardedə.
Azərbaycan Respublika qıləy məhkəmə, ım kişvəri islam partiya muavin Hoci İlham Əliyevi bə 4 manq həbs məhkumış karde.
Bə İslamin Səsi sayti raporti əsos ım pesoxtə bıə hukmi barədə detalon hələ elan bə ni.
Hoci İlham Əliyevi dastqirəti və məhkumiyəti barədə islam partiya və mubariz ruhaniyon bəyaniyədə ım hukmi məhkum kardışone və pidəşone ki ım məşhur ruhani rə ozod bıbu.
Əmmo tojədən xəbə ome ki Azərbaycan Respublika mısılmonon i bemoni hərəkati ıştə 5 qılə uzvon dastqiriku xəbə dodə.
Bə Ğəfğaz həğiğəton sayti raporti əsos Azərbaycan Respublika mısılmonon i bemoni hərəkati muavin Hoci Elçin Ğasımev elanış karde ki Boku hukuməti əmniyyətion ım hərəkati 5 qılə uzv İliyas Ğasımev, İğbal Sadiğev, Ələmuddin Norozev, Pərviz Ğasımev iyən Murad Fərzəliyevi qəteşone və əvoni bə noməlumə vırə bardedən.
