Ermənistonədə eterozəkəyon bə iminnə vəziri ofisi daxil beyro cəhd kardən.

Ermanistoni dıvləti muxalifon zinə Nikok Paşiniyani ofisi vədə cəm bıdə bin.

Bə İsna aqentiyəti raporti əsos, Ermənistoni polis iyən eterozəkəyon zinə i minnə vəzirəti ofisi vədə binoşon karde de yande davıon ki çandə cəmaəti dasqir karde bois bıə, əvon de zu bə Paşiniyani ofisi varid bey ğəsdışon be.

Ermənistonədə eteraz aksiyaon bə zəmon bino bıə ki millət Ğrəboği barədə tojə imzo bıə sul muğavilə bə kişvər xəyonət kardə sazışi unvan bə hisob vardışone ki Paşiniyan bəştə nəzə əsos əy de Putin və Əliyevi imzoş kardə, Və hol ım ki Paşiniyan bəyonış kardə ki bə ım muğavilə ğəbul karde məcbur mandə be və həni co rooş nıbe.

Isət cəmaət iyən 17 qılə muxalif partiya rəsmən rə Paşiniyan və çəy dıvləti istifo doe iyən tojə i minnə vəziri vıjniye pidəşone.

Ermənistoni anti dıvlət eteroz aksiyaon cərəyonədə tosə bə ısət 100 nəfəri qətəşone.

Ğərəboğədə Azərbaycon Respublika iyən Ermənistoni miyono tojə dıvrə daveon Sentiyabrə manqi 27 ku bino bıə be ki oxoy sə Rusiyə, Azərbaycan Respublika iyən Erməniston Noyabri 10 ım dıvrə canqi səkardeyro qıləy mıştərək sazışi imzo kardışone.

Həminə sazişədə sıvoy canqi sə karde, bə humanitar məsələon iyən əsiron və cənazəon vırə bə vırə kardey təkid bıə iyan ğeyd be ki Rusiyə sulhmərominə ğıvvon təmas və dave xəttədə sulhi təmin bəkan.

Ğeyd kardənine ki Ğərəboği muxtəlif baxşon əmniyəti təmin karde tosə 5 sor bə Rusiyə sulhbanon qi haştə bəy, peşo bəzi məntəğəon tale barədə ğərolon təin bəbe.