Ermənistoni mudafiyə vəzir Ğərəboği bəzi sərhədd məntəğəonku diəş karde.

Ermənistoni mudafiyə vəzir bə Ğərəboğ iyən Azərbaycan Respublika miyono bıə Sionik ostani sərhədd məntəğəon osəş ğande.

Bə Erməni Rədio raporti əsos, Vağarşak Harotonian ım məntəğədə bıə hərbi bazaon iyən hərbi imkanatonku diə karde kənoədə muxtəlif məsələon barədə əmr-sərəncomış do.

Harotonian həmçenin ijən de sionik ostani yolon muzakirə-votımon karde cərəyanədə təkidış karde ki marzon təin karde zəmonədə har 2 qılə kiçvəri ali rutbə hərbiçi fərmondəon hesti və əmə çı Erməni zəminiku 1 metri həm bə co kişvər ya tərəf nibədamon.

Əv təsdiğış karde ki Rusiyə sul mərominə ğıvvon ğərəboği vey məntəğəon əmniyəti kontorol kardeydən iyən marzi əmniyəti oqəteyro qarantiaon qətəmone.

ərəboğədə Azərbaycon Respublika iyən Ermənistoni miyono tojə dıvrə daveon Sentiyabrə manqi 27 ku bino bıə be ki oxoy sə Rusiyə, Azərbaycan Respublika iyən Erməniston Noyabri 10 ım dıvrə canqi səkardeyro qıləy mıştərək sazışi imzo kardışone.

Həminə sazişədə sıvoy canqi sə karde, bə humanitar məsələon iyən əsiron və cənazəon vırə bə vırə kardey təkid bıə iyan ğeyd be ki Rusiyə sulhmərominə ğıvvon təmas və dave xəttədə sulhi təmin bəkan.

Ğeyd kardənine ki Ğərəboği muxtəlif baxşon əmniyəti təmin karde tosə 5 sor bə Rusiyə sulhbanon qi haştə bəy, peşo bəzi məntəğəon tale barədə ğərolon təin bəbe.