Azərbaycan Respublikaədə karantin vəziyəti mıddət ijən dıroz bıə.
De Azərbaycan Respublika i minnə vəziri əmri ın kişvərədə və bə Korona pandemik şərayeti xoto karantin vəziyəti mıddət ijən dıroz bıə.
Bə Bokuku rəsə xəbon əsosi, bə həminə tojə ğəroli əsos, Koronavirusi umumi karantin vəziyət tosə noyabrə manqi əvvəli dəvom peydo bəkarde.
İjən kişvərədə muxtəlif mərosimon dəvoniyeyro salononədə məhdudiyəton vey bəbe və hətto de 50 nəfəri iştiroki həm dəvoniyə bıə mərosimon həm bəpe de icozə və vaksinasiya əncom bey şərti əncom bebu.
Bə Azərbaycan Respublika Koronavirusi operativ ğərorqoh elani əsos, har haftə oxonə rujonədə xiyobononədə maşinon fəaliyət ijən məhdud bəbe.
Ğeyd kardənine ki Azərbaycan Respublikaədə həm Delta modılış bıə Koronavirus de şiddəti hevuj bıə və har ruj 4000 nəfəriku vey cəmaət bə Covid-19 mıbtəlo bıdən.
