İroni roy və şəhr soxte vəzir de Azərbaycan Respublika prezidenti videmonış karde.

İroni roy və şəhr soxte vəzir votışe: İron iyən Azərbaycan Respublika milləton miyono bıə mədəni vabəstəyon həmmişə dustanə və bıvəti həmkarion inkişofi bois bıə.

Bə İRİB raporti əsos, Rustəm Ğasımi ki bənə İron və Azərbaycan Respublika mıştərik iğtisodi kamisiya rəisi bə Buko səfərış kardə be zinə de ın kişvəri prezident İlham Əliyevi vindemoni cərəyonədə bə 2 qılə kişvəri miyono bıə iğtisodi həmkarion işorəş karde və umidvar be ki de İron və Azərbaycan Respublika miyono tojə sazişon imzo bey vositə iyən mandə plan-poryekton bə vırə rəse, 2 qılə kişvəri miyono həmkarion miğdor bə inkişof bırəsi.

Azərbaycan Respublika prezident İlham Əliyev həm de İron İslam Respublika həmkarion inkişofi vey çok bə hisobış varde və əy vey çokə fırsət zınəş be və votışe: de İroni zəmini vositə nəxçivoniku bə Azərbaycan Respublika rabitə bərğəror kardey barədə tojə muğavilə 2 qılə kiçvəri miyono bıə dustanə həmkari və əloğəon nımonəy ki iğtisodi, nəğliyot və enerji baxşonədə tojə təhəvvolaton bois bıdə.

İlham Əliyev ijən bə Ğərəboği ozod bıə əraziədə İroni şirkəton iştirok və obdonəkə planon bə vırə rosnie işarəş karde və İroni şirkəton ko və iştiroki barədə ıştə rizoyəti elan kardışe.