Qurcistonədə islami mutaliə mərkəz təsis be.
De çandə elmi iyən dini şəxsiyəton iştiroki Qurcistonədə islami mutaliə mərkəz təsis be.
Bə Ğəfğaz həğiğəton xəbə sayti raporti əsos, Qurcistoni islami mutaliə mərkəzi təsisəkə iyən mudir votışe: ın mərkəz dıştə elmi fəaliyəton karde bəzne bə Qurcistoni mısılmononədə aqahəti əlovə kardey komək bıbu.
Qurcistonədə bıə İroni səfarətxonə mədəni baxşi mudir Əhmədəli Mehri həm ın mərosimədə votışe: umudəvomon ki ın mərkəz karde bızono islami təhğiğon baxşədə iyən erjinə koon xususi islamşenasi baxşədə təsirinə hərəkəton əncomədə mıvəffəğ bıbu.
Əv təkidış karde: ın mərkəzədə bə dast omə nəticəon karde bəzne islamşenasiədə veyə təsirış bıbu iyən co kişvəron həm bənə qıləy mərcə bəy istinod kon.
Qurcistonədə bıə İroni səfarətxonə mədəni baxşi mudir əlovəş karde: bəpe islam və məsihiyəti barədə xususi dinon miyono intiqrasiya baxşədə çı alimon və ustadon zərfiyətiku istifodə bıbu.
